Abụ Ọma 125
Abụ nrigo.
Chineke onye na-echebe ndị ya
1 Ndị niile na-atụkwasị Onyenwe anyị obi na-anọgidesi ike dị ka ugwu Zayọn
nke a na-apụghị inugharị, nke na-adịgidekwa nʼọnọdụ ya ruo mgbe ebighị ebi.
2 Dịka ugwu niile si gbaa obodo Jerusalem gburugburu,
otu a ka Onyenwe anyị na-agba ndị ya gburugburu
ugbu a na ruo mgbe ebighị ebi.
3 Mkpara ọchịchị ndị ajọ omume agaghị adịgide* 125:3 Aịz 14:5
nʼala ndị ezi omume ketara nʼife nza,
nʼihi na ndị ezi omume nwere ike
itinye aka ha na-ime ihe ọjọọ.
4 O Onyenwe anyị, meere ndị niile na-eme ezi omume ihe ọma,
ya bụ, ndị niile obi ha ziri ezi.
5 Ma Onyenwe anyị ga-achụpụ ndị niile na-agbaso ụzọ aghụghọ
na ndị niile na-eme ajọ ihe.
Ka udo dịrị Izrel.