1 Nupa tuʼzxöni ládxiʼgaca Xanruʼ Dios nácagaca ca guíʼa Sión,

tuʼ cabí bi gaca utá guíʼa naʼ, pero tsaz zoa caz.

2 Ca rö́ʼgaca guíʼa idú gásibiʼilö yödzö Jerusalén,

laʼ canísö zoëʼ Xanruʼ Dios idú gásibiʼilö bönachi queëʼ,

naʼa dza, en yúguʼtë dza siʼ zaca.

3 Bitiʼ ral-laʼ ilaʼnná bëʼ nupa tuáʼ döʼ lu xiyúgaca bönachi tsahuiʼ,

para cabí iún ga iluʼë döʼ bönniʼ tsahuiʼ naʼ.

4 Xan, ben ga gaca dxiʼa quégaca nupa nácagaca dxiʼa,

en quégaca nupa idú ládxiʼgaca tun ca rnna xtídzuʼu.

5 Nupa tuʼdödi cuínguequi lu le cabí nácatë,

ben léguequi xiguiaʼ tsözxö́n len nupa tuáʼ döʼ.

Ben ga ilaʼcuáʼ bönachi Israel dxiʼa tsáhuiʼdoʼ.