1 Tap̱a ki o tap̱am pem gwo mo ki:

C̱a’bi /e aha/ ki me’da bim poros pem mo ma

ntagi aha/ mina dhu uni gun ta ’kup̱ ki /e mmota cwa jin mina /e dhu sho’k mo.

2 Tap̱a ki hash ’pena Sihyuun cwa ma maliḵ pini jin ta gi mo ma dem dem mo.

Jiyiya ji e bwaman ’kwani kun ta ’kup̱ pini mo.

3 ’Kwanim pini mini c̱i is buni ’baḵany mo

ka tee jin mina /e susa waambuhany pini

ap̱o/ ’kuwosh kun turatur kun ḵogu mo.

’Peni bwa ma dho’th gi mon’thamo/ mo tani

dhuru’c pini jin tana /e midi p̱u’du/ i /e me’d jap̱e/ mo be.

4 Tap̱a thulki gwo me’da p̱o/ mo

dhali a’di midi diki aḵ bwam piti e mo:

/E tana gasiis ki sule/ sule/ mo

mmobaṯẖa cuḵ ma Malkisaadag isho’k mo be.

5 Tap̱a a’di diki’d ki me’da bim poros pini mo be.

A’di midi shaṯ imaliḵ ka ’cesh mo ka tee ma nyor piti mo.

6 A’di midi tor gwon dwall ’twa/a ’cesh e bwaman kal gi ’kwaniny’cesh mo,

mmo’tu’d uni ki buŋgwar is jwa mo.

A’di midi shaṯ itap̱a ka ’cesh mo

ap̱o/ mony’cesh jin beeyabee mo.

7 A’di midi p̱i ’peni jis yi’de/ jin kasha e jin di’di shemen bway mo.

Wakan a’di midi ’de’k ’kup̱ piti ki mis mo be.