Zabur
Nimee axtıdayiy Yiğın do ç'iyene aq'val!
Maq'amne xərıng'us. Davudna Gittitne instrumentıkana mə'niy.
1-2 Ay Xudaavanda, yişda Rəbb, nimee axtıdayiy Yiğın do ç'iyene aq'val!
Yiğna xəbvalla xəybışileb axtıba vob.
3 Gyoqanar, uşaxır Yiğne xəbne guceke yuşana'a,
Dekkan hittayheng'veyiy duşmane nıq' aqqecenva* 8:3 Hittayheng'veyiy duşmane: Şene gahıl İzrailika muhariba vukkınee milletbışikee inyaa gaf əlyhə..
4 Yiğne xıleppışde işiqa: xəybışiqa,
Ğu gyuvxhuyne vuzaqa, Ğu gitk'ınne xənebışiqa, ilyakkamee,
5 Zı eyhen: «İnsan vuşune vor, Ğu mana yik'el aqqı?
İnsanıke g'abiynbı hucoo eyxhen karne, Ğu manbışda haa'a?»
6 Ğu insan məxür irxhın
Mana saccu Vas sayq'van.
İnsan axtı qı'ı, tac xhineyid şöhrat huvu,
7-9 İt'xhınne karalqa mana paççah gixhxhı.
İn gırgın: çavra-vəq'ə, çolun həyvanar,
Xəədın şit'yar, deryahbışeedın baluğar,
Deryahbışeedın gırgıncad,
Ğu mang'une g'elybışiqqa huvu.
10 Ay Xudaavanda, yişda Rəbb, nimee axtıdayiy Yiğın do ç'iyene aq'val!
*Nimee axtıdayiy Yiğın do ç'iyene aq'val!:3 8:3 Hittayheng'veyiy duşmane: Şene gahıl İzrailika muhariba vukkınee milletbışikee inyaa gaf əlyhə.