1 ﭑ مَ كٌنيِ سُفَندِشِ نَن يِ كِ، ﭑ حْشْ سَشِ نَشَن شْن مَ،

ﭑ نَشَن شَنُمَ ﭑ نِي بِرِن نَ.

ﭑ بَرَ ﭑ شَشِلِ رَفٌرٌ عَ مَ.

عَ تِنشِنيِ مَسٍنمَ نّ حَمَنّيٍ بّ،

2 كْنْ عَ مُ شَاحّمَ عٍ مَ، عَ مُ سْنشْي رَتٍمَ عٍ مَ،

عَ مُ عَ يّتّ عِفبٌمَ.

3 عَ مُ كَلٍ كُنتِنشِ عِفِرَ مَ،

عَ مُ لَنثُي دّشّ شُرِ رَشُبٍنمَ.

عَ كِيتِ سَمَ عَ سّرِيّ كِ نَن مَ.

4 عَ مُ دَفَلَنمَ، عَ مُ بِرَ مَ،

هَن عَ فّ تِنشِنيِ رَ سَبَتِدٍ دُنِحَ مَ.

حَمَنّيٍ شَشِلِ تِمَ عَ شَ يَامَرِ تِنشِنشِ نَن نَ.

5 عَلَتَلَ نْندِ كَنيِ شَ مَسٍنيِ نَن يَ،

عَلَ نَشَن كٌورٍ دَا، عَ عَ وَلَشّ عِتَلَ،

نَشَن بْشِ دَا، عَ نُن سٍ بِرِن نَشَن تٌمَ نَا،

نَشَن حّنفِ قِشِ دُنِحَ مِشِيٍ مَ، عَلَكٌ عٍ شَ دُنِحَ عِفِرِ.

6 «ﭑ تَن عَلَتَلَ نَن نَ،

نَشَن عِ شّيشِ، نَشَن عِ مَكَنتَشِ،

نَشَن عَ نِيَ عِ شَ قِندِ سَاتّ سَابُي رَ عِبُنَدَ مَ بّ،

نَشَن عَ نِيَ عِ شَ قِندِ نَءِيَلَنيِ رَ حَمَنّيٍ بّ،

7 عَلَكٌ عِ شَ دْنشُييٍ يَ رَبْو، عِ شَ فٍيلِمَنِيٍ رَ مِنِ فٍيلِ،

عِ شَ مِشِيٍ شْرّيَ نَشٍيٍ نَ دِ مِ كُي.»

8 «عَلَتَلَ نَن ﭑ نَ، ﭑ شِلِ نَن نَ كِ.

ﭑ مُ وَ مَ ﭑ قِرِن ندٍ شْن،

ﭑ مُ تِنمَ ﭑ مَ مَتْشْي شَ قِ كُيٍيٍ مَ.

9 ﭑ مَ مَسٍنيِ سِنفٍيٍ بَرَ رَكَمَلِ،

ﭑ مَن قٍ نّينّ مَسٍنمَ نّ وٌ بّ نَشَن قَمَ رَكَمَلِدٍ.

ﭑ نٍيٍ شَ قٍ رَكٌلٌن وٌ رَ بٍينُ عٍ شَ رَبَ.»

10 «وٌ شَ بّيتِ نّينّ بَ عَلَتَلَ بّ،

وٌ عَ مَتْشْ سَ كٍلِ دُنِحَ بَانيِ رَ،

وٌ تَن نَشٍيٍ بِيَاسِمَ بَا شُن مَ،

وٌ تَن نَشٍيٍ بَلٌمَ بَا كُي،

وٌ تَن نَشٍيٍ سَبَتِشِ حَمَنّيٍ كُي.

11 فبٍنفبٍرٍنيِ نُن تَايٍ شَ عٍ شُي عِتٍ،

كٍدَرِكَيٍ سَبَتِشِ دّننَشّ.

سٍلَكَيٍ شَ عٍ سّيوّ شُي عِتٍ فٍيَيٍ قَرِ.

12 عٍ شَ عَلَتَلَ مَتْشْ عَلْ عَ لَن عَ شَ مَتْشْ كِ نَشّ.

حَمَنّ بِرِن شَ عَ مَتْشْ.

13 عَلَتَلَ مِنِمَ نّ عَلْ حَلَمَ،

عَ بْحّ تٍ فٍرٍ شَ قٍ رَ، عَ فٍرٍ سٌ شُي رَ مِنِ سّنبّ رَ.»

14 «كَبِ عَ رَكُيَ ﭑ سَبَرِشِ، ﭑ دُندُشِ، ﭑ نَن ﭑ يّتّ سُشُشِ.

كْنْ يَكْسِ ﭑ نَن ﭑ شُي رَ مِنِمَ عَلْ فِنّ نَشَن دِ بَرِقٍ.

15 ﭑ سَنسِيٍ رَلِسِمَ نّ فٍيَيٍ قَرِ،

فٍيَ قِندِ فبٍنفبٍرٍنيِ رَ.

ﭑ شُرٍيٍ مَقِندِ مَ نّ شَرٍ رَ،

ﭑ يٍ يِرٍيٍ شْرِ.

16 ﭑ دْنشُييٍ رَحّرّ مَ نّ كِرَ ندٍ رَ، عٍ مُ نَشَن كٌلٌن،

ﭑ دِ مِ قِندِ عٍ بّ نَءِيَلَنيِ رَ،

ﭑ بْشِ مَفٍشِ قِندِ بْشِ سَشِ رَ عٍ حّرّ مَ دّننَشّ.

ﭑ نَ نَن يَتِ رَبَمَ عٍ بّ، ﭑ مُ عٍ رَبّحِنمَ.

17 نَشٍيٍ عٍ شَشِلِ تِشِ كُيٍيٍ رَ،

عٍ فبِلٍنمَ نّ يَافِ كُي.

نَ كُيٍيٍ يَءِلَنشِ وُرٍ رَشُنُشِ نَن تُن نَ،

كْنْ نَ مِشِيٍ عَ قَلَمَ عٍ بّ، ‹وٌ قِندِشِ وٌن مَ عَلَيٍ نَن نَ.›»

18 «تُلِشْرِيٍ، وٌ وٌ تُلِ مَتِ.

دْنشُييٍ، وٌ وٌ يَ تِ ﭑ نَ.

19 ندٍ دْنشُشِ، شَ ﭑ مَ كٌنيِ شَ مُ عَ رَ؟

ندٍ تُلِ شْرِشِ، شَ ﭑ ﭑ مَ شّيرَ شَ مُ عَ رَ؟

ندٍ دْنشُشِ، شَ ﭑ مَ كٌنيِ بْحّ سَشِ شَ مُ عَ رَ؟

20 وٌ بَرَ قٍ فبٍفبٍ تٌ، كْنْ وٌ مُ وٌ حْشْ سَشِ عٍ شْن مَ.

عٍ بَرَ عٍ تُلِ مَتِ، كْنْ عٍ مُ قٍقٍ قَهَامُشِ.

21 تِنشِنيِ تٌ رَقَن عَلَتَلَ مَ،

عَ بَرَ وَ عَ شَ سّرِيّ بِنيَقٍ، حَمَ شَ عَ كٌلٌن.

22 كْنْ يِ حَمَ شُن بَرَ رَكَنَ،

عٍ سُشُشِ يِلِ نُن فٍيلِ نَن كُي.

عٍ يَشُييٍ بَرَ عٍ شَنِن، مِشِ يٌ مُ نَ نَشَن عٍ رَكِسِمَ،

مِشِ يٌ مُ نَ نَشَن مَشَندِ تِمَ عٍ بّ عٍ شَ فبِلٍن.»

23 ندٍ عَ تُلِ مَتِمَ نَ قٍيٍ رَ وٌ يَ مَ؟

ندٍ عَ حْشْ سَمَ نَ قٍيٍ شْن مَ تّمُي نَشَن سَ قَمَ؟

24 ندٍ يَشُبَ سٌشِ مُحّتِ يِ رَ؟

ندٍ عِسِرَيِلَ سٌشِ كَسَرَتِيٍ يِ رَ؟

عَلَتَلَ شَ مُ عَ رَ، وٌن يُنُبِ رَبَشِ نَشَن نَ؟

عٍ مُ وَشِ حّرّقٍ عَ شَ كِرَ شَ شْن مَ،

عٍ مَن مُ عٍ تُلِ مَتِشِ عَ شَ سّرِيّ شَ رَ.

25 نَ كُي عَ نَشَ عَ شَ شْنّ دُ سُ عِسِرَيِلَ شُن نَ،

عَ نِيَ فٍرٍ شَ عٍ شُن نَكَنَ.

نَ تّ بَرَ دّشّ عٍ رَبِلِنيِ،

كْنْ عٍ مُ عٍ حْشْ سَشِ نَ شْن مَ.