142
Waiq Chuaq Jùp Đò ta Jò Nan Xa
Đawit Achìh
1 Au hloh bàu creo dang Chuaq;
au hloh bàu waiq dang Chuaq.
2 Ŏi jang ngìa Haq au hràng rayoih,
anoi 'noh dèh bìac nan no au jang ngìa Haq.
3 Jò mahua yiang au tagah lep ta chac cla au,
Chuaq khoi loq ca trong au.
Ta trong au lam,
wì haq bet gùi ca au.
4 Ngan pah 'ma au beq,
ùh i cabô hèm trùh bìac au;
au hadai ùh i ca trong claih;
ùh i mangai leq wiang hèm trùh ca mahua yiang au.
5 Ôi Chuaq, au creo dang ca Ìh,
au doi 'màng cô: “Ìh nòi hanình canòm da au,
Ìh wìa xôxech da can rìh au.”
6 Xìn Chuaq tamàng bàu au,
taiq au 'bìq xalep dìq jaq;
Xìn dèch au khoi ca mangai padit padiang au,
taiq wì haq yi dêh ca au.
7 Xìn dŏt yŏc mahua yiang au claih enh hnem tù,
đòiq au manè pôi hiniq Ìh.
'Bài mangai rìh ta-atoq jah ŏi dudan ca au,
taiq Ìh jah am bàc xôq ramŏt ca au.