82
Bìac Ùh Ta-atoq 'Bìq Hadrah
Asap Achìh
1 Boc Plình wèq ŏi ta nòi tagop hadròih Haq,
đòiq hadrah ta'ne wì ma broq gàu.
2 “Pì hadrah ùh ta-atoq?
Pì hadrah gen can wa wiang ti mangai dù trùh jò leq?
3 Hadrah ma dìq jaq lem jang ca wì ma ìuq wa ca mangai lac beq;
wèq tiaq trong ta-atoq am ca mangai 'bìq padip baxa wa mangai pa hamoq.
4 Khòh dèch wì mangai ìuq xa
wa mangai pa hamoq enh tì mangai dù beq.
5 “Mangai padit padiang aih ùh 'nì,
wì hadai ùh loq tàng ta manoh.
Wì haq lam hlài ta nòi clam clôiq;
xèm da plì taneh khoi tadroq.
6 “Au doi: ‘Pì 'bài yiang,
ma jah 'màng aih pì aih con da Chuaq ma yi ha'nhèq dìq ca yiang.’
7 Mahaq pì cachìt tìah ca mangai chac xech,
wa cro cachìt bu dàng mòiq ngai cwan ŏi enh 'neq ca bùa wèq cwìang.”
8 Boc Plình ôi, yòng beq! Xìn Ìh yòng đòiq hadrah mangai crŏng taneh,
ma jah 'màng aih dìq ca mangai crŏng taneh cô aih xôxech da Chuaq.