47
Boc Plình Broq Bùa Crŏng Taneh
Con Calô da Côra Achìh
1 Rìm jàn ôi, tep tì beq.
Cachech bàu manè lem bùi ca Boc Plình.
2 Ma jah 'màng aih Chuaq ma Yi Ha'nhèq joq đang ca yùq crè,
Haq Bùa càn dìq ca crŏng taneh.
3 Haq broq ca nhèn jah ta'blêq ca bàc jàn,
broq ca rìm Diac enh 'neq ca jènh nhèn.
4 Haq ràih ca nhèn xôxech,
aih bìac lem bùi da Jacôp ma Haq loq waq.
5 Boc Plình ŏi ta'ne bàu cachech lem bùi bìac jah 'blêq;
Chuaq jah tŏc jò i atêh ken hlôi dêh.
6 Calêu manè padèch Boc Plình beq,
calêu bàu manè beq, calêu padèch manè Bùa da bèn.
7 Ma jah 'màng aih Boc Plình, Haq Bùa dìq plình crŏng taneh cô;
yŏc bàu calêu bàu hadròih đòiq calêu padèch hiniq Haq.
8 Boc Plình wèq rìm Diac;
Boc Plình ŏi ta gèq bùa hadròih da Haq.
9 Con bùa ta crŏng taneh tagop hlài
broq jàn Boc Plình da Ap-ra-ham.
Taiq dìq ca bùa da crŏng taneh, wì haq bùa da Haq.
Rìm nòi Haq khoi jah con mangai padèch ha'nhèq.