5
Mayur ermänucuna imano cananpäpis shacyächishan
1 Mayur ermänucuna, nogapis gamcunano mayur yäracojmi cä. Jesucristo ñacashancunata quiquëmi ricashcä. Jesucristo munayninwan cutimuptin llapanchïmi paypa ñaupancho caycäshunpaj. Chaymi gamcunata willapä: 2 Ermänucunata* Juan 21.15–17 ricanayquipaj churashuptiquega sumaj ricay uysha michej uyshancunata ricashanno. Mana guellanaypa cushi-cushilla Dios munashanno ricay. Guellay-raycullaga ama ricaychu. 3 Nishayqui-nishayquitaga ama rurachiychu. Chaypa ruquenga alli shimillayquipa shacyächiy. Paycuna ricacushunayquipaj Tayta Dios munashanno alli caway. 4 Chauraga llapanchïta michimajninchi* Heb. 13.20 Jesucristo cutimur «Allitami rurashcanqui» nimäshun. Chaynöpami paypa ñaupancho imaycamapis cushisha cawashunpaj.
5 Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy.
«Alli-tucojcunataga Tayta Diosninchi manami yanapanchu.
Umildicunatami ichanga cuyapar yanapan.»* Prov. 3.34; Stg. 4.6
6 Chayno caycaptenga Tayta Diosninchïta rispitar mana alli-tucuyllapa caway. Chayno cawaptiquimi Jesucristo cutimur «Allitami rurashcanqui» nishunquipaj.* Mat. 23.12; Luc. 14.11; 18.14; Stg. 4.10 7 Tayta Diosninchi cuyaycäshuptiquega ima yarpachacuyniquicunatapis paypa maquinman churaycuy.* Sal. 55.22; Mat. 6.25–34
8 ¡Sumaj alcäbu caway-llapa! Contrayqui dyabluga yargasha liyunnömi puriycan tarishan cajtaga usharinanpaj. 9 Chayno caycaptenga dyabluta ama cäsupaychu. Musyashanchïnöpis cay pachachöga manami nogallanchïchu ñacarcaycanchi. Waquin ermänunchicunapis ñacarcaycanmi. Chaymi Tayta Diosninchïman yäracur Pay munashanno imaypis caway.
10 Noganchi-raycu Jesucristo wañusha captinmi Tayta Diosninchi cuyapäshushpayqui acrasha-cashunqui ñaupancho imaycamapis cawanayquipaj. Juc timpu ñacaycuna päsarcuptinnami alliman churashunquipaj, sumaj balurta goshunquipaj, allillata cachishunquipaj. 11 ¡Tayta Diosninchi llapanpaj munayniyoj cashanpita imaypis alabasha caycullächun! Amén.
Carta ushanan
12 Ermänunchi Silvanumi* Hech. 15.22, 40 cay carta isquirbiyta yanapämasha. Payga sumajmi Taytanchi Jesucristuman yäracun. Cay cartata gamcunaman apaycächimö ima ñacaycho captiquipis Tayta Diosninchi yanapaycäshushayquita tantiyacunayquipämi. Payman yäracuytaga ama cachaycuychu.
13 Babiloniacho* Chay wichan ermänucunaga Roma siudätami Babilonia niran. Masta musyanayquipaj liguinqui: Apoc. 14.8; 16.19; 17.5; 18.2, 10, 21. caycaj ermänunchicunapis wamayäshunquimi. Wamrä-japuy caycaj cuyashä Marcuspis wamayäshunquimi.* Hech. 12.12, 25; 13.13; 15.37–39; Col. 4.10; Film. 24 14 Ermänucuna wamayänacur jucniqui-jucniquipis saludanacuy.
Taytanchi Jesucristuman yäracojcuna, llapayquipäpis alli goyay caycullächun. [Amén.]
*5:2 Juan 21.15–17
*5:4 Heb. 13.20
*5:5 Prov. 3.34; Stg. 4.6
*5:6 Mat. 23.12; Luc. 14.11; 18.14; Stg. 4.10
*5:7 Sal. 55.22; Mat. 6.25–34
*5:12 Hech. 15.22, 40
*5:13 Chay wichan ermänucunaga Roma siudätami Babilonia niran. Masta musyanayquipaj liguinqui: Apoc. 14.8; 16.19; 17.5; 18.2, 10, 21.
*5:13 Hech. 12.12, 25; 13.13; 15.37–39; Col. 4.10; Film. 24