116
1 Iau kalak no Watong, kanong ga hadade no ingagu.
Ga hadade no nugu sunuah wara gaiena harmarsai.
2 Iau ni tataau ie ta ira nugu bung na nilon bakut,
kanong ga sa talingana ukai ho iau.
3 No minaat ga wiwisane iau,
ma no ngunngutaan na minaat ga pulus iau.
A tinirih ma ra marmaris ga ubal iau.
4 Io, iau ga tataau um tupas no Watong hoken:
“Watong, halon iau!”
5 Esr 9:15; Neh 9:8; KBk 34:6No Watong i marse dahat ma a takodasianai.
No udahat God i hamines no balana ta dahat.
6 Snd 1:4No Watong i balaure diet ing diet pai tale bia diet na harahut habaling at diet.
Ing iau ga wara hiniruo sakasaka, ga halon iau.
7 Mt 11:29I tale bia ni kis matien balin,
kanong no Watong i te gil ra bilai tagu.
8 Watong, u te halangalanga iau sukun ra minaat,
u te ros ise ira luur na matagu,
ma u te balaure iau bia iau kabi tuke ira kakigu,
9 waing iau ni haan ra matmataan tano Watong
kai ra taman audiet ira lilona.
10 2Ko 4:13Iau ga nurnur, kaik iau gaam tange,
“A tamat na tinirih te ubal tar iau.”
11 Rm 3:4Iau ga burut, kaik iau gaam tange bia,
“Ira tunotuno bakut, a ut na harabota diet.”
12 Iau ni balu no Watong
uta ira uno bilbilai ukai ho iau hohe?
13 Iau ni raun haut no gingop nong a hakilang ie tano uno harhalon
ma iau ni tataau tupas no Watong.
14 Nng 50:14Iau ni pakile haruatne ira nugu kunubus taar tano Watong
kaia ra matmataan ta ira uno matanaiabar bakut.
15 Nng 72:14Ing tiga tunotuno nong i mur timaan God i maat,
a tamat na linge ra matmataan tano Watong.
16 Watong, tutun saakit bia a num tultulai iau.
Iau no num tultulai, hoing no pawasigu mah huo.
U te palas ise iau sukun ira nugu winwisaan.
17 WkP 7:12Iau ni tar tiga hartabar wara tanga tahut saakit taam
ma iau ni tataau tupas no Watong.
18 Nng 116:14Iau ni pakile haruatne ira nugu kunubus taar tano Watong
kaia ra matmataan ta ira uno matanaiabar bakut,
19 aram narako tano ngasiana no Watong
aram Ierusalem.
Pirlat no Watong.