113
1 Pirlat no Watong.
Muat ira tultulai tano Watong, muat na pirlat ie.
Pirlat no hinsana no Watong.
2 Da pirlat no hinsana no Watong,
kaiken ma namur ma pa na pataam.
3 Ais 59:19; Mal 1:11Da pirlat no hinsana no Watong merau laah hoing no kasakes i la tutut hut kaia
tuk taar ares hoing i la sungsuguh kaia.
4 No Watong i manga tamat naliu ta ira kaba kantri bakut,
ma no minamarine i naliu saakit tano mawe.
5 KBk 15:11Taie tikai i haruat hoing no Watong, no nudahat God,
nong i la kis taar aram naliu saakit,
6 Nng 11:4; Ais 57:15ma i la tuntudu suur wara nasnas
no mawe ma no ula hanuo.
7 I raun haut no maris mekaia ra kaabus
ma i tatik haut no malahahin sukun ira tahuna iaah.
8 I hakisi tikane ie ma ira tamat na lualua,
kaike ira lualua ta ira uno matanaiabar.
9 1Sml 2:5I haguama no hinkaho ing na kapis bulu,
ma na hakisi timaan ie huo narako tano ngasiana.
Pirlat no Watong.