1 ናንጊና ናንጋ ጎዳሢዮ! ኔ ታና ሙሪ ዛጊ ዔሬኔ።

2 ታኣኒ ዴዓኣና ማዖም ዔቃኣና ኔ ታና ዔራኔ፤

3 ታ ሃንታ ቤዞንታ ዴይ ሃውሻ ቤዞ ኔ ዋሉዋሴ፤

4 ናንጊና ናንጋ ጎዳሢዮ! ታኣኒ ሃጊ ኬኤዛንዳሢኮ ቤርታ

5 ታ ኮይሎይዳ ቢያ ኔኤኒ ዓኣኔ፤

6 ኔኤኮ ዔራታ ኮሺ ጪሊል ጋዓያኬ፤

7 ዓንኮዋ ታ ዓኣዺ ኔኤፓ ቶላኒ ዳንዳዑዋሴ፤

8 ጫሪንጮ ታ ኬስኬቶ ኔኤኒ ዒኢካ ዓኣኔ፤

9 ዓባ ኬስካ ባንፆ ታኣኒ ባራኒ ዴንዴቴያ

10 ዒኢካ ኔ ዓኣያ ማዒ ኔ ኩቻ ኔ ታና ጎቺ ሃንቲሳኔ፤

11 ታኣኒ፦ «ዹማ ታና ዓኣቺ ዓይሳንዳኔ፤

12 ዹማ ኔኤኮ ዓኣፖ ዴንቂ ላኣጉዋሴ፤

13 ታና ጉቤና ማዤሢ ኔናኬ፤

14 ዲቃሢ ሄርሺሳ ጎይሢና ታ ማዢንቴሢሮ ታ ኔና ጋላታኔ፤

15 ጴዹዋያ ማዔ ዓኣሺንቴ ቤዛ ታ ማዢንቴያና

16 ታ ዒንዶ ጎጳ ታኣኒ ሱጉሢ ዓኣንቴ ኔ ታና ዴንቄኔ፤

17 ፆኦሲዮ! ኔ ታኣም ማላ ማሊፃ ኮሺ ዼኤፒኬ፤

18 ኔ ታኣም ማላ ማሊፃ ፓይዲንቴቴ

19 ፆኦሲዮ! ፑርቶ ዓሶ ባይዜቴራ!

20 ዔያታ ኔኤም ፑርታ ጌኤሲ ጌስታኔ፤

21 ናንጊና ናንጋ ጎዳሢዮ! ኔና ዒፃ ዓሶ ዒናፓ ታ ዒፃዓዳ?

22 ጉቤ ዒናፓ ጋፒ ታ ዔያቶ ዒፃኔ፤

23 ፆኦሲዮ! ታና ሙሪ ዛጊ፥ ታ ዒኖ ዴንቄ፤

24 ፑርታ ጎይሢ ማላ ዒኔ ታኣኮ ዓኣቴ ዛጊ ዴንቄ፤