1 Tupàn wapyk wenawhu amogwer tuwihaw ywate har wazemono'ogaw pe har rehe a'e.

Wainuinuromo umume'u uzeapo ma'e ràm wanupe.

2 — Pepytu'u ikatu 'ymaw rupi pureruze'eg ire nehe.

Pepytu'u teko ikatu 'ym ma'e wamyrypar romo peneko re nehe.

3 Pezekaiw katu ma'e hereko 'ymar wanehe nehe, tu 'ym ma'e wanehe ihy 'ym ma'e wanehe nehe no.

Pekatu ma'erahy ipuraraw par wanupe nehe, ma'e hereko 'ymar wanupe nehe no.

4 Pepytywà ikàg 'ym ma'e pe wà nehe. Pepytywà hemetarer 'ym ma'e pe wà nehe no.

Pepyro a'e teko teko ikatu 'ym ma'e wanuwi pe wà nehe.

5 — Ma'e kwaw par 'ym romo peiko.

Napekwaw pixik kwaw ma'e. Peiko pytunahy haw rehe.

Naperuze'egatu kwaw ywy rehe har pe wà.

6 Nezewe aze'eg peme. — Peiko tupàn romo.

Pe paw peiko Tupàn Ywate Wera'u Har ta'yr romo.

7 Nezewe rehe we pemàno putar wyzài awa ài nehe. Wyzài tuwihaw ta'yr umàno wà.

Nezewegatete peneko haw upaw putar nehe no, a'e ihe, a'e wanupe.

8 O Tupàn, ezur ywy rehe har waneruze'eg pà nehe,

Ta'e ywy nànànar paw wiko nema'e romo wà xe.