1 Arrawartalu warndu andyi Thai, Sheperd-anghali, ivili adi tha urrunha warndu.

2 Anghatalia ngurru marraakan thadi anhangha warndu matyiai wirlaaiulu awi urlanyi ngawungha anhangha warndu yapaatyu awi.

3 Valu Marrakanirnakai vuldha udu adni vanhaatyu ngatyu wirlaninha warndu mathanha yapa apinhangha valuutyu inha ngunindhai ngandya vanhaatyu vani mityi warndu wartanha.

4 Ngukanhangkai apunha anhawartanha widlyawartanha inbiringha virdnininhangha uta wairnai virdninguni. Ngandya nina idla ngai ngawungha. Arrawartanha nhurnghu wirti (-ha) nhurngu andyininha wirti wawarriwartanhangha udu vindhapaii.

5 Nurnghu mai ngarlaka nguthangakai minangha nurnghu marni ngarl dingha vapardla nhawikai nurnghu mityi wanghakai tha ngartu yapaninha vula wandi-ngandha.

6 Udungha ilkandatyu, yutha warndu ikandina ngai thadi Ngadlapaiutu yulupa yulupa ngatyu ikaninha vatyuapinha uta.

7 Ikaai arrawarta nurnghu wardlingha yulupanwatya nanindha.