1 Aha/ ’deka em pem ’kup̱ ki wosh kun turatur mo.

’Peni mana imina woṯẖ pem ip̱u’du/ mo?

2 Mowoṯẖ pem p̱u’dki’d ’peni Tap̱a mo,

a’di jin uḵki momis dhali mony’cesh mo.

3 A’di midi diki dhal sho’k pini bway ki a’di minu joc̱ mo,

a’di yan jin kar /e mo tani mina e diki ’ce’d mo.

4 Hili mo mo ma, a’di jin dhu ’Kwani ma Israyiil mo tani

a’di mina e diki ’ce’d mo walla midi diki ish e mo.

5 Tap̱a a’di ita’da mankar /e mo.

Tap̱a a’di ita’da la goma bim poros pini mo.

6 Atente/ midi diki ’kosh /e montee mo

walla appe midi diki ’kosh /e mon’thiny mo.

7 Tap̱a midi kar /e ’pena ris tonthusi ’baar mo.

A’di midi kar mondiki/em pini mo.

8 Tap̱a a’di imidi kara kar mo gom yam pini jin mina /e ya ka pije/ mo dhali kul pini jin mina /e kulu/ ka nyaŋ’ko’d mo,

’pena tee yansan mo dhali ki sule/ sule/ ya ye ’ba/ mo.