82
Juezcunata Tayta Dios piñacushan
Asaf isquirbishan alabansa.
1 Syëlucho caycajcunapita mas munayniyojmi Tayta Diosga.
Paymi chaupicho ichircur llapan dioscunata jusgar nin:
2 «¿Imaycamaraj gamcunaga mana alli arriglanqui?
¿Imaycamaraj mana allita rurajcunapa faburnin caycanqui?
Selah
3 Pïninpis mana caj wacchacunataga alli arriglay.
Pobricunataga pishëpacojcunataga alli arriglay.* Éxo. 23.6; Deut. 1.17
4 Pïninpis mana cajcunata pobricunataga salbay.
Fiyu runacunapita washay.
5 «Ichanga, gamcuna mana musyanquichu ni tantiyanquipischu.
Chacaycho purejnömi purircaycanqui.
Mana alli arriglaptiquimi cay pachata tuncarajcunapis sicsicyan.
6 Nogami nishcä ‹gamcunaga dioscunami caycanqui.* Juan 10.34
Llapaniquipis caycanqui janajcho caycaj Diospa wamranmi›.
7 Imano carpis, gamcunapis wañunquipaj waquin runacunanömi.
Pï mandajcunapis wañushannömi wañunquipaj.»
8 Tayta Dios, gamllapami llapan nasyuncunapis.
Cay pachacho tiyajcunata alli arriglanayquipaj shaycamuy.