1  Tayta Dios, ¿piraj wasiquiman yaycamunman?

¿Piraj chayanman rispitädu jircayquiman chaycho adurashunayquipaj?

2 Chayangapäga juchaynajcunallami, alli cajta rurajcunallami,* Sal. 24.3–4

rasun cajta rimajllami,

3 pipa washantapis mana rimajllami,

runa-masin mana alliman chayananta mana ashej cajllami,

bisïnuncunata imatapis mana nejllami,

4 juchasapacunapita witicojllami,

Tayta Diosta rispitajcunata rispitajllami,

aunishantaga imanöpapis cumlejllami,

5 guellayta ristaycurpis wawanta aypallanpa mana mañajcunallami,

juchaynajta jitapar castigananpaj pägaptinpis mana chasquejcunallami.* Éxo. 22.24; 23.8

Chayno alli cawajcunallami Tayta Diospa ñaupanman chayanga.