Sam Kratrtqki-esz'-nzpnu-tq (130)
Nzoliq-zvzkr Yawe Mz Nzokatr-krde Leplz Nedeng
Nabz kx nzngrnelzngr Jerusalem mz nzangiongr.
1 Yawe, kqlex nim mz nzokatr-krm ninge
Mz mzlir nzkxpu-krngeng.
2 Lalztqm mz nzkrka'-krnge, kx Kxetu,
X ayzlum natqnge.
3 Yawe, nzmu napx-ngrn nzipqpx-krm alwx rgrng,
Trpnzngr kx narlapxbz mz nzayrplapxngr.
4 A' oliq-zvzq nzipq-krm nigr,
Murde na-amrluekr nim.
5-6 Yawe, obqtipxx nzokatr-krm ninge.
X brti drtwrnge kx sa na-atutrq natqm.
Da kc tzwai kxnzaukzng mz nzaenzli-krdr rngalx nzpnamilxtilz-ani-krmle,
Murde nzkrlzlr kx nepi sa naprkilz-zvzm mz nourla kang kqlu.
A' suti zlwz drtwrnge nzvz-ani-krme,
Myaszpxle nzsutikr drtwrdr nzprtz-krm nepi.
7 X nigu lr Israel, na-abrtrpzku drtwrgu mz Yawe, murde aodu-zvzle nigu.
X oliq zvz nzarlapx-krde nigu.
8 X sa naxpepxle nigu
Mz alwx ngrgung amrlx.