ማኣዶ ዴንቃኒ ሺኢቂንቴ ሺኢጲሢ
70
(ዓይኑ. 40፡13-17ይዳ ዓኣሢና ዎሊ ማላያኬ)
ዓይኑሞ ሱኡጋሢ ዓይሣ ጎይፆና ማሊ ጶቂሥሢሮ ዓይናዺንታ ዳውቴ ዓይኑሞ
1 ፆኦሲዮ! ታና ዓውሳኒ ታ ባንሢ ሺሬ!
ናንጊና ናንጋ ጎዳሢዮ! ታና ማኣዳኒ ሩኡሬቴራ!
2 ታኣኮ ሼምፓሢ ባይዛኒ ኮዓዞንሢ
ቦርሲንቶንጎ፥ ዲቃቲ ካራ ባይዞንጎ፤
ታኣኮ ባይሲንቶ ካፓዞንሢ
ዻውሲንቲ ጊንሢም ማዖንጎ።
3 ታ ዑፆይዳ፦ «ማዳ ዒዛም!» ጋዓዞንሢ
ቦርሲንቲ ጊንሢም ማዖንጎ።
4 ጋዓንቴ ኔና ኮዓዞንሢ ቢያ ኔኤና ሚርጌና ዎዛዾንጎ፤
ኔኤኮ ዓውሲፆ ናሽካዞንሢ ቢያ ዎዴ፦
«ፆኦሲ ዼኤፒኬ!» ጎዖንጎ።
5 ፆኦሲዮ! ታኣኒ ጋዓንቴ ማንቆ፥ ሃሣ ሜታዼ ዓሲኬ፤
ናንጊና ናንጋ ጎዳሢዮ! ሩኡሪና ታና ሄሌ፤
ታና ማኣዳሢና ዓውሳሢያ ኔናታሢሮ
ፆኦሲዮ! ኔኤኒ ኔጊፖ!