1 Ritonõpo, jomiry etako! Zae oexiryke kuetako; kuezuhko anamonohpyra oexiryke!

2 Opoetoryme jexiryke japiakara exiko,

zae nymyry pyra ynanase emero porehme oneneryme.

3 Yzehno exiketomo a tokahmase ywy japoitoh pona, typoremãkase ywy eya xine ipunaka. Ãpuruhpyry xinukutumã taka tõmase ywy eya xine, pake aorihtyã sã ase.

4 Naeroro apotũkehnõko ase, ehtomãko ase,

enahkety sã ase ukurohtao.

5 Pake ehtopõpyry poko wenikehpyra ase,

onyrityã poko osenetupuhnõko ase;

wenikehpyra ase onyrityã poko emero.

6 Jemary tõ anỹnõko ase oneneryme, Ritonõpo,

nono tonorẽ sã tuna zehnãko ase opoko.

7 Axĩ ke kuezuhko, Ritonõpo Jesemy

Ywino otonẽpyra exiko,

8 Ẽmepyry ae rokẽ kuruko ropa ypyno oehtoh poko,

Oturũko ase oya; zae ehtoh riry poko

9 Ritonõpo, kypynanohko yzehnotokõ wino,

oya ytõko ase jewomatohme.

10 Omoro mase Ritonõpo Jesemy;

kuamorepako õmiry omipona jehtohme.

Kure rokẽ kyriko, kuakorehmapoko Ouzenu a

11 Kypynanohko, Ritonõpo, õmihpyry ae ro ya!

Kure oexiryke kuanỹko jetuarimatoh wino.

12 Ypyno oexiryke mokaro yzehno exiketõ etapako;

yyryhmananõ enahkapoko, opoetoryme jexiryke.