13
1 ʻOku lāunga ʻa Tevita ʻi he fakatuai ʻoe tokoni. 3 ʻOku ne lotu ke maʻu ʻae ʻofa. 5 ʻOku ne vikiviki ʻi he ʻaloʻofa ʻae ʻOtua.
Ki he Takimuʻa, ko e Saame ʻa Tevita.
1 ʻE Sihova, ʻe fēfē hono fuoloa?
Mo hoʻo kei fakangalongaloʻi au? Ke taʻengata?
ʻE fēfē hono fuoloa ʻo hoʻo fufū ho fofonga ʻiate au?
2 ʻE fēfē hono fuoloa mo ʻeku lauloto mo hoku laumālie,
ʻo loto mamahi pē ʻi he ʻaho kotoa pē?
ʻE fēfē hono fuoloa mo e fielahi kiate au ʻa hoku fili?
3 ʻE Sihova ko hoku ʻOtua, ke ke tokanga mai pea ongoʻi au:
fakamaama hoku mata, telia naʻaku mohe ʻi he mohe ʻoe mate;
4 Telia naʻa pehē ʻe hoku fili, “Kuo u ikuna ia;”
pea fiefia ʻakinautolu ʻoku fakamamahiʻi au ʻo kau ka ngaue.
5 Ka kuo u falala ki hoʻo ʻaloʻofa;
ʻo fiefia hoku loto ʻi hoʻo fakamoʻui.
6 Te u hiva kia Sihova,
ko e meʻa ʻi heʻene fai lelei lahi ʻaupito kiate au.