1 ¡Le capa na'le, le'e, xúgute̱ bénneache!

¡Le güe lá'ana Dios nen dute̱ xel-la' dxebé!

2 Dxal-la' zrébedxu Xránadxu, nape̱' dute̱ xel-la' szren.

Naque̱' Wenná Bea zren dxenná bé'ene̱' dute̱ xe̱zr la xu.

3 Bzue̱' benne' xe̱zr ca' zran ní'adxu.

Bzue̱' dxi'u chee̱ nna be'edxu zánete̱ cue' xe̱zr la xu ca'.

4 Bequé̱'e̱ tu xe̱zr la xu da gaca na chee̱dxu,

Da naca tu xe̱zr la xu xrtante̱ chee̱ zri'ine zre sua Jacob,

5 Dxegüén Dios naga dxe'e̱ dxenná be'e̱.

Dxelebezre luzu da dxulucuezre̱' gate dxegüén Xránadxu ga na'.

6 ¡Le gul-la da gaca ba Dios!

¡Le gul-la da gaca ba Wenná Bea chee̱dxu!

7 ¡Dios naque̱' Wenná Bea dute̱ lu xe̱zr la xu nigá!

¡Le gul-la chee̱' nen dute̱ xel-la' dxéajni'i chee̱le!

8 Dxe' Dios naga dxenná be'e̱, lu lataj na' naca na lá'azxa.

Dxenná bé'ene̱' xúgute̱ cue' xe̱zr la xu ca'.

9 Dxelezraga benne' dxelenná bé'ene̱' xúgute̱ cue' xe̱zr la xu

tu zren nen bénneache chee̱ Dios chee̱ Abraham.

10 Benne' ca' dxelenná be'e̱ du gabí'i xe̱zr la xu

buludée̱' xel-la' dxenná bea chee̱' lu na' Dios.

Le̱' dxenná bé'ene̱' xúgute̱ benne' wenná bea ca'.