1 «وٌ كٍلِ، وٌ شَ نَءِيَلَنيِ بَرَ قَ،

عَلَتَلَ شَ نْرّ بَرَ تِ وٌ مَ.

2 دِ مِ بَرَ دُ سُ بْشِ بِرِن شُن نَ،

كُيٍ بَرَ عِقْورْ نَ حَمَيٍ مَ،

كْنْ عَلَتَلَ بَرَ تِ وٌ شُن مَ،

عَ شَ نْرّ بَرَ لُ وٌ يَ مَ.

3 حَمَنّيٍ قَمَ نّ وٌ شَ نْرّ مَ،

مَنفّيٍ بّندُنمَ نّ وٌ شَ لٌولٌي شَ يَنبّ مَ.»

4 «وٌ وٌ يَ رَفٍ وٌ رَبِلِنيِ.

عٍ بِرِن مَلَنشِ وٌ يِرٍ،

وٌ شَ دِيٍ قَقٍ كٍلِقٍ يِرٍ مَكُيٍ،

وٌ شَ دِ فِنّيٍ دْشْشِ مِشِيٍ تُنكِ قَرِ.

5 وٌ نَ نَ تٌ، وٌ سّيوَ مَ نّ هّرِ رَ،

وٌ بْحّ حّلّشِن.

بَننَيَ نَشَن نَ بَا نَاكِرِ مَ عَ قِندِ مَ نّ وٌ فبٍ رَ،

حَمَنّيٍ شَ بَننَيَ قَ لُ وٌ شْنيِ.

6 حْشْمّ فَلِ وُيَمَ نّ وٌ شَ بْشِ مَ،

قَقٍ رَ كٍلِقٍ مَدِيَن نُن عٍقَ بْشِ مَ.

نَشٍيٍ قَمَ كٍلِقٍ سٍيبَ،

عٍ قَمَ شّيمَ نُن سُرَيِ نَن نَ،

عٍ نُ عَلَتَلَ مَتْشْ.

7 كٍدَرِ شَ شُرُ سٍيٍ مَلَنمَ نّ وٌ شْنيِ،

نٍبَيٌتِ يّشّي كٌنتٌنيِيٍ لُ وٌ سَفٌي،

ندٍيٍ بَ سّرّشّ فَن دَاشِ رَ ﭑ مَ سّرّشّبَدٍ قَرِ.

ﭑ مَ هْرْ مْبَنشِ يَنبَمَ نّ ﭑ مَ نْرّ رَ.»

8 «لَابَ قِيشّيٍ حّرّ مَ كٌورٍ مَ عَلْ فَنبّ نَشٍيٍ فبِلٍنمَ عٍ شْنيِ.

9 حَمَنّيٍ شَشِلِ تِشِ ﭑ نَ،

تَرَ سِسِ كُنكُييٍ نَ يَرٍ قَقٍ رَ وٌ شَ دِيٍ رَ كٍلِقٍ يِرٍ مَكُيٍ.

عٍ قَمَ نّ فبٍتِ نُن شّيمَ رَ وٌ مَرِفِ عَلَتَلَ بِنيَقٍ رَ،

عِسِرَيِلَ شَ سّنِيّنتْي نَشَن بَرَ وٌ شُن نَكٍلِ.»

10 «شْحّيٍ يَتِ قَمَ نّ وٌ شَ تّتّ رَكٍلِدٍ،

حَمَنّيٍ مَنفّيٍ وَلِمَ نّ وٌ بّ.

هَلِ ﭑ تٌ وٌ حَشَنكَتَ ﭑ مَ شْنّ كُي،

ﭑ قَمَ نّ هِننّدٍ وٌ رَ ﭑ مَ كِنِكِنِ شَ قٍ رَ.

11 هَلِ وٌ مُ وٌ شَ تَا نَادّيٍ بَلَن،

بَرِ مَ مِشِيٍ قَمَ نّ نَاقُلِ رَ كٍلِقٍ حَمَنّ مَ،

عٍ شَ مَنفّيٍ تِشِ يَرٍ.

12 سِ يٌ نَشَن تٌندِ مَ وَلِدٍ وٌ بّ، عَ شُن نَكَنَمَ نّ.»

13 «لِبَن شَ وُرِ قَنيِيٍ شَنِنمَ نّ وٌ شْنيِ،

عَلَكٌ ﭑ مَ هْرْ مْبَنشِ شَ رَكٍلِ،

نْرّ شَ لُ ﭑ سَنيِ تِدٍ.

14 وٌ فٍرٍقَيٍ شَ دِيٍ قَمَ نّ عٍ يّتّ مَفٌرٌدٍ وٌ بّ،

وٌ يَشُييٍ عٍ شِنبِ سِن وٌ بُن مَ.

عٍ قَمَ نّ وٌ شِلِ قَلَدٍ، ‹سِيٌنِ، عِسِرَيِلَ مَرِفِ سّنِيّنشِ عَلَتَلَ شَ تَا.›»

15 «هَلِ ﭑ وٌ رَبٌلٌ نّ نُ،

مِشِ يٌ مُ لُ وٌ شَ بْشِ مَ،

ﭑ قَمَ نّ وٌ قِندِدٍ سِ شُنفبٍ رَ،

نَشَن لُمَ شُننَكٍلِ كُي عَبَدَن.

16 حَمَنّيٍ شَ مَنفّيٍ شِحّ قِمَ نّ وٌ مَ.

نَ كُي وٌ عَ كٌلٌنمَ نّ عَ ﭑ تَن نَن نَ عَلَتَلَ رَ،

وٌ رَكِسِمَ، وٌ شُنسَرَ مَ، يَشُبَ مَرِفِ سّنبّمَ.

17 ﭑ شّيمَ قِمَ نّ وٌ مَ وُرٍ فبٍيلِ حْشْي رَ،

ﭑ فبٍتِ قِ وٌ مَ وُرٍ حْشْي رَ،

ﭑ وُرٍ فبٍيلِ قِ وٌ مَ وُرِ حْشْي رَ،

ﭑ وُرٍ قِ وٌ مَ فّمّ حْشْي رَ.

بْحّسَ نُن تِنشِنيِ نَن قِندِ مَ وٌ شَ مَنفّيٍ رَ.

18 قٍ كٌبِ مُ تٌمَ وٌ شَ بْشِ مَ،

فبَلٌي مُ وٌ شْنيِ لِمَ.

وٌ شَ تّتّ شِلِ قَلَمَ نّ ‹كِسِ،›

وٌ شَ تَا نَادّ شِلِ قَلَ ‹مَتْشْي.›

19 سٌفٍ شَ مُ يِرٍ عِيَلَنمَ وٌ بّ يَنيِ رَ سْنْن،

كِكٍ شَ مُ يِرٍ عِيَلَنمَ وٌ بّ كْي رَ سْنْن.

عَ كٍلِمَ عَلَتَلَ يَتِ نَن مَ،

عَ عَ شَ نْرّ قِمَ نّ وٌ مَ عَبَدَن.

20 سٌفٍ نُن كِكٍ مُ دُلَمَ سْنْن،

عَلَتَلَ نَن قِندِ مَ وٌ شَ نَءِيَلَنيِ رَ تّمُي بِرِن.

وٌ شَ سُننُنيِ تّمُي حْنمَ نّ.

21 وٌ شَ حَمَ لُمَ تِنشِنيِ نَن كُي،

وٌ شَ بْشِ لُ وٌ بّ عَبَدَن.

وٌ لُشِ نّ عَلْ سَنسِ سٌلِيٍ ﭑ نَشٍيٍ سِشِ ﭑ بّلّشّ رَ،

عَلَكٌ ﭑ شَ ﭑ مَ نْرّ مَسٍن دُنِحَ بّ.

22 هَلِ وٌ شُرُن، وٌ سّنبّ لُمَ نّ عَلْ فَلِ بٍلٍبٍلٍ.

عَلَتَلَ نَن ﭑ نَ.

ﭑ يِ وَلِ رَبَمَ نّ مَقُرٍن مَقُرٍن.»