125
1 Ko e monūʻia ʻakinautolu ʻoku falala ki he ʻOtua. Ko e hūfia maʻae angalelei; kae malaʻia ʻae angahala.
Ko e Hiva ʻae ʻalu hake.
1 Ko kinautolu ʻoku falala kia Sihova tenau tatau mo e moʻunga ko Saione,
ʻaia ʻoku ʻikai siʻi faʻa hiki, kae tuʻumaʻu pe ʻo taʻengata.
2 Hangē ko e takatakai ʻe he ngaahi moʻunga ʻa Selūsalema,
ʻoku takatakai pehē ʻe Sihova ʻa hono kakai mei he ʻaho ni ʻo lauikuonga.
3 Koeʻuhi ʻe ʻikai tuku maʻu ʻae tokotoko ʻoe angahala ʻi he tofiʻa ʻoe angatonu;
telia naʻa mafao atu ʻe he angatonu honau nima ki he angahala.
4 ʻE Sihova, ke ke fai lelei kiate kinautolu ʻoku angalelei,
pea kiate kinautolu ʻoku angatonu ʻi honau loto.
5 Ka ko kinautolu ʻoku nau afe ki honau ngaahi hala pikopiko,
ʻe tataki atu ʻakinautolu ʻe Sihova fakataha mo e kakai fai kovi:
ka ʻe hoko ʻae melino ki ʻIsileli.