1 A LAO ran pajaner, jamero lapalap akan o jaumaj akan en toun jap o kapukapunada duen Iejuj pwen kamatala 2 Irail lao jaliedi i, ap wawei, ki on ren kopina Pontiuj Pilatuj. 3 A Iudaj, me panala i lao kilaner me a pakadeikadar, en kamatala, ap kalukila o purekido moni jileijok ren jamero lapalap akan o jaumaj akan. 4 Indada: Nai me wiadar dip, ni ai panalar nta makelekel. A irail inda: Menda re at? Koe en pein wia. 5 I ari kajedi moni ko nan im en kaudok, ap koieilar lujiamalar. 6 A jamero lapalap akan ale moni ko indada; A jota pun kitail en ki on nan deun mairon, pwe pwain pan nta. 7 Irail ari kapukapun, ap netiadar jap en jaun wia dal, waja me men liki pan jeredi ia, 8 I me waja o adaneki jap en nta kokodo lei ran wet. 9 I dokan a pwaidar, me lokidor ren jaukop Ieremia, me majani: Irail ari aleer moni jileijok i pwaine pan i, me re netiada ren men Ijrael. 10 O pwaine kida jap en jaun wia dal, duen me Kaun o kotin majani on ia. 11 Iejuj ari kotikot mon kopina; kopina ap kainoma re a majani: Nanmarki en Juj akan komui? A Iejuj kotin majani on i: Komui me majani. 12 Jamero lapalap akan o jaumaj akan lao karaune kin i, a jota kotin japen. 13 Pilatuj ap majani on i: Komui jota ron duen ar karakarauni komui kaualap? 14 I ari jota kotin majani on i meakot. Kopina ap poneponeki kaualap. 15 Ari, ni kamadip o kopina kin lapwa on irail amen me jalidi, meamen, me re mauki, 16 A i anjau o ol amen, ad a Parapaj, me jalidi re ’rail. 17 Irail lao pokon penaer, Pilatuj ap majani on irail: Ij me komail mauki, i en lapwa dan komail, Parapaj de Iejuj, me maraneki Krijtuj? 18 Pwe a ajaer, ar peirin, me re pan kilar i. 19 A lao kaipokedi pon deun kadeik, a paud ilokilan i indada: Komui der wia meakot on ol pun men et, pwe i auramandar duen i, me i lokelokeki laud ran wet. 20 A jamero lapalap akan o jaumaj akan jairen kila pokon o, ar poekipoeki Parapaj o kamatala Iejuj. 21 A kopina japen majani on irail: Ij re ’ra, me komail mauki, i en lapwadan komail? Irail potoan on: Parapaj. 22 Pilatuj ap majani on irail: Da me i en wiaki Iejuj, me maraneki Krijtuj? Irail karoj potoan on: A en kalopuela! 23 A kopina majani: Pwe sued da, me a wiadar? A re kalaudela ar weriwer: A pan kalopuela! 24 Pilatuj lao kilan, me a jota kak wiada meakot, pwe moromoron pan wiaui, ap ale pil, omiom mo ’rail majani: Nai makelekel jan ntan ol pun men et, komail pan wia. 25 Aramaj karoj ap wiaki eu japen indada: Nta en kapokon on kit o nait jeri kan! 26 A ap lapwa don irail Parapaj, a Iejuj me a woki ap mueid on irail, en kalopuela i. 27 Nain kopina jaunpei kan ap ale Iejuj kalualon on nan im en kadeik o, ap kapokon pena jaunpei karoj; 28 Irail ap ki jan i japwilim a likau kan, ap id kalikauwie kida i likau waitata; 29 Ap pada al en tek eu, ap kida pon kadokenmai, o ki on iokon apot ni lim a maun, o kelepukidi mo a o kapikapidi i indada: Ion Nanmarki en Juj akan! 30 Irail kondipe on i, o re ale jokon o, o pokieki kadokenmai. 31 Irail lao kapiti I, ap kijan likau waitata, ap kapure on I udan japwili a likau o kaluawei, pwen kalopuela. 32 Ni arail lao kotikot kokola, rap diarada aramaj en Kirene men, en wadala japwelim a lopu. 33 Irail lao lel on waja o, me ad a Kolkata iet wewe: Waja en pondal en mona. 34 Irail ki on I pinika, me doleki edi. A lao kotin jon kij, a jota urak 35 Irail lao kalopuelar i, ap nek pajan japwilim a likau kadoropwe kidar. 36 Irail ari mondi on waja o majamajan i. 37 O ponanin kadokenmai re pajuredier intin o, me a pukoki: let Nanmarki en Juj akan. 38 Lolap riamen ian i lopuelar, amen mi ni pali maun, a amen ni pali main. 39 Me dadaulul akan lalaue i, duedualok. 40 Katiti: Koe me kin kawela im en kaudok ap id kauada pon jili pon, en pein dore uk ala; ma Japwilim en Kot koe, en keredi jan nin lopu en! 41 A jamero lapalap, o jaunkawewe, o jaumaj akan pil dueta kapikapiti i indada: 42 A dorelar akai, ap jota kak dorela pein i; ma i Nanmarki en Ijrael, i en keredi jan ni lopu en, a kitail pan kamelele i. 43 A liki Kot, i en kotin dorela, ma a kotin kupura i, pwe a indada: Nai Japwilim en Kot. 44 Lolap oko, me ian i lopuelar, pil lalaue i. 45 Jan ni auer kawonu lel auer kaduau rotorot kipadi jap o. 46 Ni auer kaduau Iejuj ap kotin nil laud majani: Eli, eli lama ajaptani! let wewe: Ai Kot, ai Kot, da me komui likitmalia kin ia la? 47 Akai me u waja o, ronadar me, ap indada: A eker Eliaj. 48 A amen irail pitipit tan ale lim eu, kaduedi on nan pinika kauon ni alek apot, kidan i en urak, 49 A akai me inda: Iermen, kitail en kilan maj, ma Eliaj pan pwarado dorela i. 50 Iejuj pil kotin nil laud, ap kadarala nen e. 51 A kilan, perepa likau en im en kaudok o ap dei pajan, jan pali poa lei pa, o jap rereda, o paip akai ronkilar, 52 O joujou kai jara pajan, o war en me jaraui kan toto, me mamair, ap iajadar. 53 O murin ar iajadar, irail koda jan nan joujou kan, kolan kanim jaraui, pwara don me toto. 54 Jenturion o me ian i jinjila Iejui, kilaner jap a rereda, o meakan, me wiauier, rap majakadar kaualap, katiti: Melel i, me Japwilim en Kot! 55 O li toto mi kailewei, kilekilan me wiaui, iei irail, me idauendo Iejuj jan Kalilaa papa i. 56 Maria men Makdala, o Maria in en Iakopuj i Iojej, o in en nain Jepedauj akan mi nan pun arail. 57 A lao jautik penaer, ol kapwapwa men pwarado, men Arimatia, me ad a Iojep, me pil tounpadak en Iejuj amen. 58 I ari poto don Pilatuj poeki kalep en Iejuj. Pilatuj ap majani, a en panalan i. 59 Iojep ari ale kalep o, kidimiki pena likau makelekel o kajelel; 60 Ap nekidedi nan pein a joujou kap, me a weiradar nan paip; i ap kadapure on takai kalaimun eu nan au en joujou o, up kotila jan, 61 A Maria men Makdala, o Maria teio momod jal on joujou o. 62 A mandan ran o, ran en kaonop, jamero lapalap o Parijar akan pokon pena ren Pilatuj. 63 Indada: Main, kit tamandar, me ol jued men et katitiki ni a memaur: I pan maureda murin ranjilu. 64 Komui ari majani, me ren jinjila joujou o lel ran kajilu, pwe a tounpadak kan de kodo pirapela, ap indan aramaj: A kotin iajadar jan ren me melar akan, pwe pakotau wet pan jued jan men maj, 65 Pilatuj majani on irail: let jilepa ko, komail kowei jinjila joujou o duen komail kak on. 66 Irail ari koieila, kileledier takai o, o kajilaki joujou o jaunpei kai.