82
A ninge na lotu ta Asap.
1 Ais 3:13God i lualua taar tano tamat na kinkinis hurlungai.
I tar no harkurai nalamin ta ira kaba god.* Ari diet lik bia no kukuraina i hoken, bia ira tamat na king ta ira kantri diet ga tange bia a god diet, ma a malalar hoken bia diet kis hulungai aram ra mawe ra matmataan ta God. Ma ari diet lik bia i ianga uta ira god ing kaike ra kantri diet git lotu tupas, ma diet kis hulungai huo.
2 Lo 1:17; Snd 18:5Ma i tange, “Na haruat hunanges ing muat na hok diet ing diet pai gil ira takodasuana magingin,
ma haruat um hunanges bia muat na tur taar tano palpal ta ira ut na sakena?
3 Lo 24:17Muat na tur harahut ira maris ma ira tintana.
Muat na gil no magingin takodas ta ira maris ma ira malahahin.
4 Muat na harahut ira mahiuhiu na tunotuno ma diet ing diet mon sunupi.
Muat na halon diet sukun ira lima diet ira ut na sakena.
5 Jer 4:22; Ais 59:9Diet pai nunure ta linge,
diet pai palai ta tiga linge.
Diet goota bia tano kankado.
Ira burena bakut no ula hanuo i gunagune.
6 Nng 82:1; Jn 10:34Iau ga tange, ‘A god muat.’
Muat ira natine Nong i Naliu Harsakit.
7 Iesen muat na maat hoing ira tunotuno mon.
Muat na puko suur hoing ira kaba lualua bakut.”
8 God, tur hut, ma nu kure no ula hanuo,
kanong a num tus ira kantri bakut.
82:1: Ais 3:13
*82:1: Ari diet lik bia no kukuraina i hoken, bia ira tamat na king ta ira kantri diet ga tange bia a god diet, ma a malalar hoken bia diet kis hulungai aram ra mawe ra matmataan ta God. Ma ari diet lik bia i ianga uta ira god ing kaike ra kantri diet git lotu tupas, ma diet kis hulungai huo.
82:2: Lo 1:17; Snd 18:5
82:3: Lo 24:17
82:5: Jer 4:22; Ais 59:9
82:6: Nng 82:1; Jn 10:34