110
Devit ga pit iakan ra ninge na lotu.
1 Mt 22:44; Mk 12:36; Lk 20:42,43; Ap 2:34,35; Hb 1:13; Ep 1:20; Kl 3:1; 1Ko 15:25No Watong ga tange ta nagu Watong:
“Nu kap no tamat na kinkinis kai tano kata na limagu,
tuk iau ni bul hasur ira num hiruo napu, hoing tiga linge na bul kakim!”
2 Nng 2:9; Dan 7:13,14No Watong na hakari no num dadas na harkurai meram Saion.
Nu kis na harkurai nalamin ta diet ira num ebar.
3 Het 5:2; Nng 96:9Ira num matanaiabar diet na kanan wara harharahut ugu
tano num bung na hinarubu.
Ira num sigasigam i halhaal,
ma no num dadas na hanuat nunuhuan ta ira kaba bungbung hoing no ruur i puko ra malaan.
4 Nam 23:19; Hb 5:6,10; 6:20; 7:17,21No Watong i te hasasalim,
ma pa na kios no uno lilik, gaam tange hoken:
“No num pinapalim na lamus tunotuno tupas iau na tur hatikai,
haruat tano pinapalim na lamus tunotuno tupas iau ing Melkisedek ga gilgil.”
5 Nng 16:8; 2:5,12; Rm 2:5; Ni 6:17No Watong ie kaike i tur tika ma ugu wara hadadas ugu.
Na paas gisiane ira king tano bunguno no uno ngalngaluan.
6 Ais 2:4; 66:24Na hapidanau ira hunhuntunaan ta ira mes na hanuo, na bul hung ira minaat,
ma na paas gisiane ira ut na harkurai tano ula hanuo bakut.
7 Na mom tano taah i saal tano gagena ngaas.
Io kaik, na kap dadas wara petlaar no hinarubu.