67
A nianga tupas no tunotuno nong i kure ira ut na ninge: di ga pit iakan ra ninge bia da ting ira mangana gita ing da ingei. A ninge na lotu iakan.
1 Nam 6:25God, marse mehet ma haidane mehet,
ma nu gil no num matmataan bia na murarang naliu ta mehet,
2 Ap 18:25; Ta 2:11waing ira num tintalen na hanuat palai tano ula hanuo,
ma bia ira kantri diet na nunure no num harhalon.
3 God, na bilai bia ira matanaiabar diet na pirlat ugu.
I tahut bia ira tunotuno bakut diet na pirlat ugu.
4 Ira matanaiabar ta ira kantri diet na laro ma diet na inge ma ra gungunuama,
kanong u kure hatakodasne ira matanaiabar
ma u lue ira kantri.
5 God, na bilai bia ira matanaiabar diet na pirlat ugu.
I tahut bia ira tunotuno bakut diet na pirlat ugu.
6 WkP 26:4; Ese 34:27; Sek 8:12Io, no pise na tar ira uno matukena nian,
ma God, no udahat God, na haidane dahat.
7 Nng 33:8God na haidane dahat,
ma ira matanaiabar tano ula hanuo bakut diet na burtei ma diet na urur tana.