111
ܗܠܠܘܝܐ.
1 ܒܸܬ ܫܲܟܪܸܢ ܠܡܵܪܝܵܐ ܒܟܠܹܗ ܠܸܒܝܼ،
ܒܡܵܘܬܒ݂ܵܐ ܕܬܪ̈ܘܼܨܹܐ ܘܒܟܢܘܼܫܝܵܐ.
2 ܓܘܼܪܹ̈ܐ ܝܢܵܐ ܦܘܼܠܚܵܢܹ̈ܐ ܕܡܵܪܝܵܐ،
ܟܹܐ ܛܵܥܝܼ ܐܸܠܵܝܗܝ ܟܠܔ ܕܒܵܣܡܵܐ ܠܗܘܿܢ ܒܝܼܵܝܗܝ.
3 ܚܩܝܼܪܵܐ ܘܣܘܼܩܠܵܐ ܝܠܹܗ ܦܘܼܠܚܵܢܹܗ،
ܘܙܲܕܝܼܩܘܼܬܹܗ ܦܵܝܫܵܢܬܵܐ ܝܠܵܗ̇ ܠܥܵܠܲܡ.
4 ܥܒ݂ܝܼܕܵܝ ܠܹܗ ܕܘܼܡܵܪ̈ܘܼܗܝ ܠܸܦܝܵܫܵܐ ܕܟ݂ܝܼܪܹܐ،
ܚܲܢܵܢܵܐ ܝܠܹܗ ܘܡܪܲܚܡܵܢܵܐ ܡܵܪܝܵܐ.
5 ܡܹܐܟ݂ܘܼܠܬܵܐ ܝܘܼܗܒܹܠܔ ܠܹܗ ܠܙܕܝܼܥܘܼ̈ܗܝ،
ܒܸܬ ܕܵܟܹܪ ܠܥܵܠܲܡ ܘܲܥܕܹܗ.
6 ܚܲܝܠܵܐ ܕܦܘܼܠܚܵܢܘܼ̈ܗܝ ܡܘܼܕܸܥ ܠܹܗ ܠܥܲܡܹܗ،
ܠܝܼܵܗܒ݂ܵܐ ܐܸܠܵܝܗܝ ܝܵܪܬܘܼܬܵܐ ܕܐܸܡܘܵܬܹ̈ܐ.
7 ܦܘܼܠܚܵܢܹ̈ܐ ܕܐܝܼܕܵܬܘܼ̈ܗܝ ܫܲܪܝܼܪܘܼܬܵܐ ܝܢܵܐ ܘܕܝܼܘܵܢ،
ܡܗܘܼܡܢܹ̈ܐ ܝܢܵܐ ܟܠܵܝܗܝ ܦܘܼܩܵܕܘܼ̈ܗܝ.
8 ܦܝܼܫܹܐ ܝܢܵܐ ܡܘܼܩܘܝܼܹܐ ܠܥܵܠܲܡ ܥܵܠܡܝܼܢ،
ܦܝܼܫܹܐ ܝܢܵܐ ܥܒ݂ܝܼܕܹܐ ܒܫܲܪܝܼܪܘܼܬܵܐ ܘܬܪܘܼܨܘܼܬܵܐ.
9 ܦܘܼܪܩܵܢܵܐ ܫܘܼܕܸܪܹܗ ܠܥܲܡܹܗ،
ܦܩܝܼܕ ܠܹܗ ܠܥܵܠܲܡ ܘܲܥܕܹܗ،
ܩܲܕܝܼܫܵܐ ܝܠܹܗ ܘܣܲܗܡܵܢܵܐ ܫܸܡܹܗ.
10 ܪܹܝܫܵܐ ܕܚܸܟ݂ܡܬܵܐ ܙܕܘܼܥܬܵܐ ܕܡܵܪܝܵܐ ܝܠܵܗ̇،
ܦܲܪܡܲܝܬܵܐ ܨܦܵܝܝܼ ܐܝܼܬ ܠܗܘܿܢ ܟܠܵܝܗܝ ܥܵܒ݂ܕܵܢܹ̈ܐ ܕܦܘܼܩܵܕܘܼ̈ܗܝ،
ܬܸܫܒܘܿܚܬܹܗ ܦܵܝܫܵܢܬܵܐ ܝܠܵܗ̇ ܠܥܵܠܲܡ.