1 Yagitesae koya mena, toweya koina kani kagu sagu ilaoma?

2 Kagu sagu kani ilaomaya Yeoba koina, iya bulibuli yo yanuwa yaulina iyamayaleli.

3 Kani nige itatalam kubebeku, yo nige sowasowana ikeno-gabaegiwo na kutupa kaiwena iya kam togite-kalatan.

4 Iya tomo Isileli kali togite-kalatan nige sowasowana manna iloyagolu na ikenomate.

5 Yeoba iya kam togite-kalatan yo iya am kaba kelolon dedeim mena.

6 Nige sowasowana kaliyate dabwelona o nuwana boniyai waikena siunuiwo.

7 Yeoba kani igite-kalatagiwo kunamwanamwa na tabu kusisilae.

8 Toweya kulaomaya yo kulauya, am lokeikeilene kolili Yeoba kani igite-kalatagiwo sauga meuloina.