26
1 Là gablà kel i bagyù di bang minit demen là
gablaan moon mulen di bang kaktu,
salngad i to là fulung faldam, là gablà dnayen kenen.
2 Ku fanlagi i satu to i demen to na là glut i duenan mlagi kenen, landè gukel i kaflagin,
salngad anuk di bnas ku landè gumleenan fadlug mayeng na landègukelan.
3 Sankélam i kudà, na knakangam i donki,
na fanlayamam i to là fulung faldam, du fye slame ale matdò.
4 Ku tnimelam i salek i to là fulung faldam fagu di klandè ldam,
baling ge là fulung faldam.
5 Kabay fye ku tnimelam kenen di fye
du fye gadean laan fulung fagu di ktimelam kenen.
6 I to mdek i to là fulung faldam ftulen i tulen, baling di kenengukel i sasè,
salngad i ksasè ku kanlangan i kenen blì.
7 I mabtas fngewe i man i to là fulung faldam, landè gukmamu dun,
salngad i dad blì i to kimay.
8 I kdayenam i to là fulung faldam, landè gukmamu,
salngad i fintik, landè gukmamu ku batangam baling i batun.
9 I mabtas fngewe man i to là fulung faldam, sadi landè btasan dikenen,
salngad i to langal magot i sual, du sadi laan nagot dun.
10 I to gal fimò i balù simto to i là fulung faldam,
fsamukan i kdee dad demen.
11 I to là fulung faldam samfulê di kulang nimoan,
salngad i ayem balù i utaan sanfuléan knaan.
12 Fye fa i to là fulung faldam,
di to i man nawan kenen too fulung.
13 I to là mayè mimò galan man, “Ku lamwà agu digumnègu ken nun labè liyun magu di dalan, na ken kamfèdeg,”
ani balibadan du fye là mimò.
14 Gambet i takab magsayug na landè guflesan,
salngad i to là mayè mimò tatì blaling di gumilean na landègukelan.
15 I to là mayè mimò,
balù fa smungit i knaan là mayè.
16 I to là mayè mimò, man nawan too kenen fulung fa
di balù fitu lagi fulung tmimel.
17 I to flabet di ksugak i landè kenen labet nun gaslokan,
salngad gaslok i satu to smabà klinge i ayem.
18-19 I to mgaw i demen to, na kafnge én manan alò kenen sfuba, nungusasean,
salngad i to book agafan i tek gamfati.
20 Landè gugadlug kdinè i lifoh ku landè dutungan,
na i ksugak landè gugadlugan ku landè kalsalék.
21 Là mati bala lifoh ku nun using, na là mati kdinè lifoh ku nundutungan,
na là tlag i ksugak ku nun mayè sugak.
22 I kastugad salék, too kanbayan fanlinge i dad to,
di dale salngad i knaan too fye neman na too fye nawala mlodun.
23 Ku nun man i satu to, na bay ise én mnè di nawan fangawan idemen to,
salngad i to mimò tibud tanà fangawan i demen to, du di kimoandun alò di lwà too fye baweh, bay di lam sasè i bawehan.
24 I to flingu muni i nun knang nawan fagu di fye taluan,
bay busekan di nawan i kafgawan demen to.
25 Balù too fulung kenen talù, nang ge faglut di kenen,
du too fnò i nawan i knang nawa.
26 Fakay sa ku laan fdilè nun knang nawan,
bay i dad sasè nimoan teen i kdee.
27 I to mawel i demen to baling kenen mfawel i fawelan,
na i to flulid i bong batu di demen to baling di kenengumlulidan.
28 I to tmulen kéng di demen to, du knangan nawa, én i gafatduknawa i demen to,
na i to too dmayen i demen to fagu di dee fye manan bay kadìlà mdà di nawan, gafalmo kenen.