130
Ngèh Gòm Chuaq Xa-ŏch Baxŏng Tôiq
1 Chuaq ôi! Enh nòi jrùq au creo dang Ìh.
2 Chuaq ôi! Xìn tàng bàu au creo dang;
xìn Chuaq halang don tamàng
bàu au waiq xìn.
3 Waiq Chuaq, tàng Ìh achìh đòiq 'bài tôiq,
èh Chuaq ôi, cabô jah ŏi rìh?
4 Mahaq Chuaq bùi manoh baxŏng
tôiq đòiq wì crè yùq ca Ìh.
5 Au ngèh gòm Chuaq, mahua yiang au ngèh gòm Ìh;
au ngèh gòm bàu Chuaq.
6 Mahua yiang au ngèh gòm Chuaq
yi hnao ca mangai lình ngèh gòm plình 'ngah,
joq 'nàng yi hnao ca mangai gŏc ngèh gòm plình 'ngah.
7 Ô Is-ra-ên ngèh gòm Chuaq beq,
ma jah 'màng aih Chuaq i can xa-ŏch xam manoh loq waq,
wa Haq am bìac dèch claih bình halùih.
8 Haq raq rŏt hlài Is-ra-ên
claih rìm bìac ngang dù da haq.