Sam Kratrtqki-esz'-nzpnu-esz'-nrade-pwx (114)
Naglqlzku Yawe Mz Zmatq Ngrde
1 Mzli kc lr Israel nzrlasz-ngrdr Ijipt,
Mz nzngini-krdr lr mrkzbleng elr,
2 Lr Judz lcng tznginipedr leplz kxnztrng ne Yawe,
Mz nzaclve-krde drtc' nyzdr, Israel.
3 Prla Bla akipx-lzbq x pzlzm.
X LueJodzn lvxpxbzle lrpzki badr.
4 X mzli lc newz x nra nzyameng,
Nzapulr nzblc-abrtznekr nei sip.
5 ?Myx kxmule, Prla Bla tqakipx-lzbq-ngrde,
X LueJodzn tqlvxpx-ngrde lrpzki?
6 ?X nike nzyamengr newz x nra amrlx
Mz nzapu-krdr nzabrtzkr nei sip?
7 Da kcng tqwzngr Yawe nzvz-nqblqlr natqde.
Nzelalvzlr nzaelwapx-krde zmatq ngrde, mz nzngini-krde Gct r lr Israel.
8 Murde batrpzle nzyrlepx-krm lue mz rplz,
Lue lc tqngi aulz mz rplz.