1 O Kamongo, namwana Kamongo,

yuu muu peparae emba andake ingyuo pelyamo doko kandelyaminyi.

Embena kingi lakandase dokome pao yake sungwapyamosa

2 wane wanakepe nyaŋape opetaeko kenane pyao lakandelyaminyi.

Emba range kame pyuo minyaro karapisa

yanda pimwainya panda mai nalene dokona randa jerami ingya nalyamo.

3 Nambame yake panda kandapu dokopa

bui neta kanape nakamana yuu range karara lao wasiinyi dokona rao karapyamo kandelyo.

4 Wambu dupwa akinde dokona embame baa suupyale pyale karese?

Dee wambu dupwa apimawana lao embame ketae pyambuo karese?

5 Embame emba range mupwa wakasa ingyuo kararonopa akali baa mee mende emba yaleko ingyuo karara lao wasii.

Embame baa neta renge ingyuo ketae pyambuo lakanda minya minya pilini.

6 Embame bange peparaena baa kyawa nyuo karo

wasiinyi dupwana iso karena lee.

7 Mena sipisipi bulamakao dee rae lengepe dupwa opetaeko rapu pyuo

8 oma yakape kata papingi bange peparae

ipwa kotana silyamopape dupwa isinya leeyako.

9 O Kamongo, namwana Kamongo,

yuumuu peparaena emba andake ingyuo pelyamo doko kandelyaminyi.