1 Ala kava neꞌmoꞌa hatu maeno lateteno Saiyoni kotegamo lavalelino eꞌnigetaeꞌmo alagamuna agegekana huta maiꞌnone. 2 Lusi kava huta kigi huteta lamogaga aita yoke huꞌnone. Alu nofi vayaꞌmogi, Ala kava neꞌmoꞌa lusi kava huno hapa maeꞌniye, huꞌa huꞌnae. 3 He, lusi kava huno laha maeꞌnigeta lamogaga aiꞌnone. 4 Aniꞌmo leno laneꞌniya ani kalokalopafiꞌmo koꞌmo neꞌaigenoꞌaeꞌmo aniꞌmo nelamigeꞌapaeꞌmo apamogaga neꞌaiya kava huta vayatimo hatu maeka apategetao lamogaga aino. 5 Avina yaꞌmo nehakalaya vayaꞌmogimo apaunu nelamiyanageꞌa henagaꞌamo neꞌyaꞌmo aliteꞌapaeꞌmo apamogaga aigae. 6 Mago vekamoꞌa avina yaꞌmo hakalesiyafeꞌmo alinino uꞌnigenoꞌaeꞌmo aunu nelamisiyaꞌmoꞌmo neꞌyaꞌamo alitenoꞌaeꞌmo amogaga aime aime egaiye.