127
Kure tapyi taõkõ tyrise ahtao Ritonõpo a
Ytoytoketõ eremiatoh sero. Saromão nymerohpyry.
1 Tapyi onyripyra Ritonõpo ahtao toiparo rokẽ
erohnõko tapyi rinanõ mana tyriry poko.
Pata onewomara Kuesẽkõ ahtao
toiparo rokẽ eraximãko erase tõ mana.
2 Toiparo rokẽ itamurumehxo toerokuru poko
epehpyry apoiry poko;
pakeimo owõnõko mase, ataxikãko tykohmãse ahtao.
Ynara exiryke, tonahsã ekarõko Ritonõpo mana
typyno aexityamo a inykyrykohtao ro.
3 Omũkurukõ Kuesẽkõ nekaroryme mã toto;
inekarory kurãme mã oya xine toto.
4 Orutua mũkuru tõ tonuruse tamuhpõme pyra
ynororo ahtao, pyrou sã mã toto soutatu emahpo;
5 Tãkye mã mokyro tuhke typyreke exikety;
mokyro onyporemãkapopyra imehnõ mana,
tyehno exiketõ maro aotururuhtao juize tõ ẽpataka,
apiakatoh tao.