1 Ta', elk k'ajabu' ske'j.

Nin tak' tzaju' yi banlu' skibaj.

Lok tzatzinu' ske'j,

2 bantz tele'n chitxum cyakil wunak bene'n tzi'n wi munt, yi at banl talma'u' skibaj, nin yi ilu' colol ketz.

3 Ta', lok cyak' cyakil wunak chik'ajsbil teru'.

Lok cyak' chik'ajsbil tan tak'le'n k'eju'.

4 Lok chitzatzin cyakil wunak bene'n tzi'n, na na cawunu' squibaj.

Na ilu' xicyol tetz cyakil nación.

Nin puntil cu'n na cawunu'.

5 Ta', lok cyak' cyakil wunak chik'ajsbil teru'.

Lok cyak' chik'ajsbil tan tak'le'n k'eju'.

6 Yi cojbil, ja wi't tak' balaj cosech, na ja tak'u' yi banlu' skibaj, na ilu' kaRyosil.

7 Ilu' kaRyosil, tak' tzaju' yi banlu' skibaj, bantz cyak'ol cyakil wunak yi k'eju'.