25
Bildad-ilapaagus-sunmaked
1 Súah-neggweburgined-Bildad, Job-abin weyob sogded:
2 “Bab-Dummadi, dule-gandikidid.
Dobesar dule-imakedid.
Bab-Dummadi bela nibneggine igar-ilemakmaidid.
3 E-sordagan-merguedi, gege ebisleged.
Bela dulemargi Bab-Dummad-e-gwallu gaed.
4 ¿Sunna dule ibmar-oakalossuliyob Bab-Dummad-asabinni gwisgusi?
¿Sunna dule Bab-Dummad-asabinni islidikidga na san-imaksi?
5 Ar niibela Bab-Dummad-asabinni bollee gaed,
niisgwamarbela e-asabinni gannarba gasurmogad.
6 Dule-bulesunna, nus-musgimakmaiyob gudiid,
dulede, napa-nusyob gued.”