1 ታኒ ሳሉዋን ሃራ ዎልቃማኔ ማላሊሲያ ማላ ቤዓዲ። ፆሳ ሃንቁ ኡንቱንቱ ቦላን ፖሌቲያ ዲራው፥ ዉርሴꬃ ላፑ ቦሻና ዴዒያ ላፑ ኪታንቻቱ ዴዒኖ።

2 ቃሲካ ታኒ ቡርጩኩዋ ኣባ ማላቲያዋ ታማና ዋላኬቴዳዋ ቤዓዲ። ቃሲ ዶዓ፥ ኣ ሚሲሊያኔ ኣ ሱንꬃ ፓይዱዋ ፆኔዳዋንታ ቤዓዲ። ፆሳይ ኡንቱንቱሲ ኢሜዳ ዲꬃቱዋ ኦይቂዴ፥ ቡርጩኩዋ ማላቲያ ኣባ ማታን ኡንቱንቱ ኤቄዲኖ። 3 ኡንቱንቱ፥ ፆሳ ኦሳንቻ ሙሴ ማዚሙሪያኔ ዶርሳ ማዚሙሪያ ሃዋዳን ዬፄዲኖ።

5 ሄዋፔ ጉዪያን፥ ታኒ ሳሉዋን ዴዒያ ጌሻ ጎሊ ዶዬቶዋ ሄዌካ ማርካቴꬃ ዱንካኒያ ቤዓዲ። ኬስ 38፡21 6 ላፑ ቦሻና ዴዒያ ላፑ ኪታንቻቱ ጌሻ ጎሊያፔ ኬሴዲኖ። ኡንቱንቱ ጶሊዴ ቦፂያ ላይኑዋ ማዩዋ ማዬዲኖ፤ ባሬንቱ ቲራ ዎርቃ ዳንጩዋን ዩሺ ኣꬂዴ ቃቼዲኖ። 7 ዴዑዋን ዴዒያ ኦይዱ ሜꬌታቱዋፔ ኢቱ፥ ሜꬊ ሜꬊናው ጋካናው ዴዒያ ፆሳ ሃንቁ ኩሜዳ ላፑ ዎርቃ ኬሬቱዋ ላፑ ኪታንቻቶ ኢሜዳ። 8 ፆሳ ቦንቹዋፔኔ ኣ ዎልቃፔ ዬዳ ጩዋይ ጌሻ ጎሊያ ኩሜዳ። ላፑ ኪታንቻቱ ኣሄዳ ላፑ ቦሻቱ ፖሌታና ጋካናው፥ ጌሻ ጎሊያ ኦኒኔ ጌላናው ዳንዳዪቤና። ኬስ 40፡34፤ 1ካት 8፡10-11፤ 2ኦድ 5፡13-14፤ ኢሳ 6፡4