3
Sanyiɔk ni Yenmiaru ki jiin sommir po
1 Yennu, n mɔk datai bonchiann,
binba kɔn nanin yab halii.
2 Bi piak n po ki yeen a, “Yennu kan sommɔ.”
3 Ŋaan Yennu, fine tee n sommtɔɔ, ninbɔŋ kur ni,
fine teenin nyannu nan parcheenn.
4 N yi Yennu-e ki loon sommir,
ki u be u kasii kunkonn paak, ŋaan teenin gatu.
5 N tuu dɔɔ nyiɔk ki gɔɔnt, ŋaan ki Yennu guume.
6 N ki jee n datai tusaa tusaa nba kook lintin na.
7 Yennu, baat. Tintin, n Yomdaanɔ. Dint n datai na biak,
ki te ki bi daa mɔk paŋ nba saa paanin daŋi.
8 Nyannu nyi Yennu boor nie.
Wun teen piisin u niib paak.