2 Bɑ Gusunɔ tubɑ Yudɑɔ,

mɑ u yĩsiru yɑrɑ Isireliɔ.

3 Win wɑ̃ɑ yerɑ wɑ̃ɑwɑ Sɑlɛmuɔ ye bɑ mɔ̀ Siɔni.

4 Miyɑ u tɑbu yɑ̃nu bɔɔkɑ.

Niyɑ, sɛ̃ɛnu kɑ tɛrɛnu kɑ tɑkobibɑ.

5 Yinni Gusunɔ, ɑ sɑ̃ɑwɑ wi bɑ koo nɑsiɑ.

Wunɛn nɑnum mu kpɑ̃ mu kere ɡuu ni nu wɑ̃ɑ sɑɑ yellun di.

6 Bɑ tɑbu durɔ wɔruɡɔbɑn yɑ̃nu potirɑ.

Wee bɑ kpunɑ bɑ ɡu.

Bɑ kpɑnɑ bu kɑ tii yinɑ be, be bɑ rɑɑ dɑm mɔ mi.

7 Gusunɔ Yɑkɔbun Yinni, ye ɑ ɡbɑ̃rɑ,

yerɑ mɑɑsɔbɑ wɔrukɑ kɑ ben dumi.

8 Gusunɔ, wunɑ bɑ koo nɑsiɑ.

Wunɛn mɔru yɑ̀ n seewɑ wɑrɑ u koo kpĩ u yɔ̃rɑ wunɛn wuswɑɑɔ.

9-10 Wunɛn siribu nɔɔrɑ sɑɑ wɔllun di.

Sɑnɑm mɛ ɑ seewɑ ɑ tɔmbu siri,

mɑ ɑ be bɑ tii kɑwe fɑɑbɑ kuɑ,

yerɑ hɑnduniɑn tɔmbu kpuro bɑ bɛrum soorɑ mɑ bɑ tii deri sɛ̃ɛ.

11 Bɑɑ tɔnun mɔru yɑ̀ n seewɑ, wunɛn yiikowɑ yɑ koo sɔ̃ɔsirɑ.

Be bɑ mɑɑ yɑrɑ wunɛn mɔrun di, bɑ koo yen tɔ̃ɔ bɑkɑru diwɑ.

12 I Gusunɔ bɛɛn Yinni nɔɔ mwɛɛnu kuo kpɑ i nu yibiɑ.

Bɛɛ be i kɑ nùn sikerenɛ i nùn nɑsie, i kɑ nùn kɛ̃nu nɑɑwɔ.

13 Wiyɑ u rɑ sinɑm be bɑ tii sue kɑwe.

Sinɑmbu kpuro bɑ nùn nɑsie.