128
Piŋkop da geni guramɨkgaŋ amɨn do yo tagɨsi aŋyomɨsak
Piŋkop gawak ɨmɨm tamokon kɨgɨk dakon kap.
1 Amɨn morap Yawe do pasalek geni guramɨkgaŋ uŋun amɨn kɨsɨk kɨsɨk tagɨ ani.
2 Ji pi aŋek uŋun dakon bamɨ paŋ noni.
Ji kɨsɨk kɨsɨk aŋek tagɨsi egɨpdaŋ.
3 Mɨŋatgo da yutgokon wain nap da yaŋ bamɨ madepsi toni.
Ae mɨŋat monjɨyogo da olip kɨndap monɨŋ yombem da yutgokon tamokon aŋgwasɨŋek yɨtni.
4 Asi, Yawe do pasalek ekwaŋ amɨn kɨsɨk kɨsɨk tagɨ ani.
5 Yawe Saion kokup papmon egɨsak uŋun da gɨsam tagɨ damjak.
Ji mɨktɨmon egɨpni bɨsap morapmon Jerusalem kaŋakwa tagɨsi tosak dosi nandɨsat.
6 Ji bɨsap dubagɨsi egek babɨkji pɨndatni do nandɨsat.
Israel amɨn yaworɨ tagɨ egɨpni.