5
प्रभु आ नाक्त
1 आंइ लोक्बपुकी “गिश बर्स लीबा, गेना सम्म रिम्चा” दे इन कली ब्रेक्चा ममाल्नीकी। मत्ती २४:३६ 2 मारदे हना गेपुकी प्रभु आ नाक्त खुइ खोदेंशो पा जाक्ब, दे तुइक्नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५ 3 मेना मुरुमी “दुशा बाक्नय, मारेइ मदुम्ब” देंतेक्म हना यो, आल कुरशो मीश मुर आल थिचा रोइ गेना पाइबा मतुइक्ब। मोदेंशो खोदेंशो पा मुरपुकी मब्रोंइचा ङा पा श्येत जाइनीम। येरमीया ६:१४; मत्ती २४:३९ 4 गे लोक्बपुकी चहिं छिङछिङम मबाक्नीनी। मेको नाक्त खुइ जाक्शो खोदेंशो पा इन कली महिंपाइक्ब। 5 मारदे हना गे नेल्ल छेङछेङ नु नाक्त ङा मुर बाक्नीनी। गोपुकी नाक्दो नु छिङछिङ ङा मुर मनय। रोमी १३:१२; एफिसी ५:९ 6 मोपतीके अरु खोदेंशो पा गो मइप्य, सासीशा “प्रभु यीब” दे मिम्ना मिम्न बाक्य। १पत्रुस ५:८ 7 इप्बपुकी नाक्दो इप्नीम, दुक्बपुकी नाक्दो दुक्शा बाक्नीम। 8 तन्न गोपुकी नाक्त ङा मुर दुम्शा “प्रभु यीब” दे मिम्ना मिम्न बाक्शा, परमप्रभु यावे आ या ङा पीतल के भोटो खोदेंशो पा, थमा सुइक्तीके नु दाक्तीके फेक्शा बाक्य। पीतल के ताकी गुप्शो खोदेंशो पा पाप रे प्रोंइशो बाक्नुङ, दे तुइश्शा आस पय। एफिसी ६:१४-१७ 9 मारदे हना परमप्रभु यावे इं पर्बम मगाइक्ब। प्रभु येसु ख्रीस्त आ पतीके पाप रे ब्रोंइब सेल्तु। 10 मेको इं पर्बम साइक्चा पुंइसाक्व। मो दुम्तीके गोपुकी इप्तय हना यो, मइप्तय हना यो, मेको नु ब्रोंइचा ताइनय। रोमी १४:८-९ 11 मोपतीके अरेपमुशा, इन थुं बारपमुने। गेपुकी मोदेंशो पना पन यो बाक्तीनी। हिब्रू ३:१३
नोले ङा लोव़
12 आंइ लोक्बपुकी, इन कली शेंब नु लां कोंइशा, अरेब आन कली रिम्शो पने, दे माइक्नीकी। १कोरिन्थी १६:१८ 13 मेकोपुकी नु शुश दाक्मुशा बाक्कीन। मारदे हना प्रभु आ गेय पाइब बाक्नीमी।
14 आंइ लोक्बपुकी, गेय मपाइब आन कली अरेपने। हिंब मुर आन थुं बारपतीन। मचाप्ब आन कली वारच पने। नेल्ल आन कली फाल्शा बाक्कीन। २थिस्सलोनिकी ३:१५ 15 मुरुमी इन कली मरिम्शो पाम्तेक्म हना, गेपुकी मेको आन कली मरिम्शो मपने। रिम्शो पमुचा माल्नीनी। अरु आन कली यो रिम्शो पने। हितोपदेस २०:२२; रोमी १२:१७,२१; १पत्रुस ३:९ 16 मिनु गेना हना यो ग्येरसीन। फिलिप्पी ४:४ 17 प्रार्थना पना पन बाक्कीन। लूका १८:१-८; रोमी १२:१२; एफिसी ६:१८; कलस्सी ४:२ 18 मार दुम्त हना यो, परमप्रभु यावे कली “गे रिम्शो पाइब बाक्नीनी” देनीन। मारदे हना मेको परमप्रभु यावे आ दाक्शो बाक्ब। ख्रीस्त येसु आ नोले खोइक्ब मेको गेना हना यो देंचा माल्नीम। एफिसी ५:२०
19 परमप्रभु यावे आ सोक्त कली मकाप्तीन। १कोरिन्थी १४:१,३९ 20 परमप्रभु यावेमी तुइक्पाइश्शो लोव़ पचा गेन। 21 तन्न परमप्रभु यावे आ लोव़ नु गारबा देय मगारबा, दे नाक्शा कोव़ङीन। गारत हना, मप्रेंदीने। 22 नेल्ल ग्रांग्रा दिचा ङा गेय क्येङा ङोन बाक्कीन।
23 थुं नाइक्पाइक्ब परमप्रभु यावेमी इन कली थम रिम्शो सेलल। इन सोक्त, थुं नु रां इं प्रभु येसु ख्रीस्त मयिम सम्म रिम्शो नु दोस मताइब दुम्शा बाक्मल। 24 इन कली ब्रेप्ब इन कली देंशो पाइब बाक्ब। मेकोमी थमा पाइब। १कोरिन्थी १:९; २थिस्सलोनिकी ३:३ 25 आंइ लोक्बपुकी, आंइ पर्बम परमप्रभु यावे कली पुनीन। 26 लोक्ब नेल्ल आन कली प्रभु आ नेंमी मुम्मुशा आसीक गेने। 27 प्रभु आ नेंमी एको चिठी लोक्ब नेल्ल आन कली पढेशा नेंपतीन। 28 इं प्रभु येसु ख्रीस्त आ शिशी गेपुकी नु लील।