1 Na tholh coeng nama? Ka ca aw, saii voel boeh. hnukbuet kah tholhnah dongah khodawkngainah bih laeh.

2 Rhul taeng lamkah bangla tholhnah te yong tak, tholhnah te na paan koinih namah ni n'ngaeh eh. A no khaw satueng no bangla om tih, hlang kah hingnah khaw a phae thai.

3 Boethae he khaw cunghang rhaepnit bangla haat, a toeh hma te khaw a hoeinah a om moenih.

4 Letnah neh yutloeinah loh boei khaw a tal sak, hlang hoem kah imphu khaw rhup tal van ni.

5 Khodaeng hmuilai kah thangthuinah tah Pathen hna ah kun, Te dongah a laitloeknah khaw koeloe om.

6 Hlang tholh kah khokan dongah aka pongpa tah toelthamnah te khaw a thiinah. Tedae Boeipa aka rhih hlang long tah a thinko khui lamloh yutnah a khueh coeng.

7 Olthui aka hat khaw duelh thang dae, aka yaknga long tah a ih vaengkah khaw boeih a ming.

8 Pilnam kah tangka neh a im aka sa hlang he khaw a phuel hamla lungto aka kuk neh vai uh.

9 Hlang ang rhoekkah ngoltunnah tah malpawt bangla om tih a bawtnah ah hmai loh luk a dom mai.

10 Hlang tholh kah longpuei ah lungto a hmahling a phaih, Tedae a bawtnah ah tah hell kah a khui om.

11 Olkhueng aka tuem tah a poeknah a khing a mong Boeipa rhihnah dongah khaw cueihnah soep.

12 A khuel pawt tah cangpuei la lo pawh, Tedae khuelnah a om akhaw a khaa kahlak la om bal.

13 Hlang cueih kah mingnah tah tuili bangla phul, Te dongah a cilsuep khaw hingnah tuisih bangla om.

14 Hlang ang kah poeknah tah am kaek bangla om, Te dongah mingnah khaw duen thai pawh.

15 Hlang cueih ol te lungming loh a yaak vaengah a koeh tih a thap thil bal Hlang ang loh a yaak vaengah tah nuei tih, a nam benla a voeih.

16 Hlang ang ol he yincaeh vaengkah hnorhih bangla om, Tedae lungming kah olthui dongah tah a hlihlim khaw om.

17 Aka khuel kah olthui tah tingtunnah khuiah a hue, Te dongah a olka te a lungbuei ah a thuep uh.

18 Hlang ang kah cueihnah tah imrhong neh vai uh, vapsa mai la, a mingnah khaw mingtung phalai pawh.

19 Vapsa hlang ham tah lungmingnah khaw a kho dongkah hloong bangla om tih, bantang kut dongkah kuel rhui bangla om.

20 Hlang ang tah a nuei vaengah a ol len Tedae hlang cueih tah cuepcuep ah ni a nueih.

21 Aka cueih kah lungmingnah tah sui himbai la om tih, a ban dong kah kungpak bangla om.

22 Hlang ang kah a khokan tah im khuila cu tih, aka phaep uh longtah poengah hinyah koila a rhing.

23 Hlang thae tah thohka hlip lamloh imkhui a sawt, hlang tang long tah poeng ah a rhing pueng.

24 Thoka hlip lamloh aka hnatun khaw hlang thae duet, Hmantang hlang long tah te te rhaidaeng la a poek.

25 Caitawt hmuika kah olka tah mingtung phalai pawh, aka muet uh kah olka tah coi dongah a khiing om.

26 Hlang ang kah lungbuei tah a ka dongah om, Tedae aka cueih kah a ka tah a lungbuei ah om.

27 Lailak loh a kocaelh te a tap, Tedae amah ni khoeng a tap uh.

28 Hlang aka hnael loh amah tah poek uh pawh, Teda a imben tah rhae a thiinah bal pueng.