10
Cha Hodáay némagá páki
1 Oo brátán! Mani delay armán o dwá gón Hodáyá pa Esráilián hamesh ent ke á berakkant. 2 Man pa áyán gwáhi dáta kanán ke á pa Hodáyá hodónák* 10:2 Hodónák, bezán wáhagdar, armáni, lóthók, delmánag. o porjósh ant, bale áyáni é hodónáki cha sharrén zánt o zánagéá naent. 3 Cha á páki o palgáriá násahig o násarpad atant ke cha Hodáay némagá ent o wati jenday páki o palgáriay jórhénagay johdá atant, paméshká watá á páki o palgáriay dastá nadátagesh ke cha Hodáay némagá ent. 4 Masih, Sharyatay sarjami o halási ent. Ásar esh ent, harkas ke báwara kant, pák o palgár zánaga bit.
Rakkagay ráh
5 Hamá páki o palgári ke cha Sharyatá kayt, áiay bárawá Mussá chosha nebisit: “Harkas ke é hokmáni sará kára kant gón esháni dáragá zendaga mánit.”† 10:5 Láwián 18:5. 6 Bale á páki o palgári ke cha báwará kayt é dhawlá gwashit: “Wati delá magwashét ‘kay ásmáná rawt?’ ”,‡ 10:6 Sharyatay Domi Rahband 30:12. bezán ke Masihá jahlád byárit, 7 “yá ‘kay johlén kabrá éra kapit?’ ”,§ 10:7 Sharyatay Domi Rahband 30:13. bezán ke Masihá cha mordagán borzád byárit. 8 Gorhá ché gwashit? “Labz tai nazziká ent, tai lontháni sará o tai delay tahá ent”,* 10:8 Sharyatay Domi Rahband 30:14. bezán báwaray hamá Labz ke má áiá jára janén. 9 Agan gón dapá bemannay ke Issá Hodáwand ent o pa del báwar bekanay ke Hodáyá á cha mordagán jáh janáéntag, rakkénaga bay. 10 Chiá ke ensán pa del báwara kant o pák o palgár zánaga bit, gón zobáná ham mannit o é paymá rakkit. 11 Chiá ke Pákén Ketába gwashit: “Harkas áiay sará báwar bekant hechbar sharmendaga nabit.”† 10:11 Eshayá Nabiay Ketáb 28:16. 12 É bárawá Yahudi o Yunániay nyámá park o péré nést. Chiá ke hamé yakkén Hodáwand, sajjahénáni Hodáwand ent o pa hamá drostigén mardomán békesás saki‡ 10:12 Saki, bezán bakshendah, Ordu o Pársiá “sakhi”. o bakshók ent ke áiá tawára kanant. 13 Chiá ke “harkas Hodáwanday námá tawár bekant, rakkit.”§ 10:13 Yuil Nabiay Ketáb 2:32.
14 Nun chón yakkéá tawár bekanant ke áiay sará báwaresh nakortag? O chón yakkéay sará báwar bekanant wahdé áiay bárawá chizzé naeshkotagesh? O chón beshkonant agan kasé áyáni kerrá é járá majant? 15 O chón jár bejanant agan rawán dayag nabutagant? Anchosh ke nebeshtah ent: “Washkadam ant á mardom ke wasshén mestága kárant.”* 10:15 Eshayá Nabiay Ketáb 52:7.
16 Bale bázénéá é wasshén mestág namannetag, chiá ke Eshayá nabia gwashit: “Oo Hodáwand! May paygámay sará kayá báwar kort?”† 10:16 Eshayá Nabiay Ketáb 53:1. 17 Gorhá bezán ke báwar, cha paygámay gósh dáragá kayt o paygámay gósh dárag, cha Masihay mestágay jár janagá.
18 Bale nun josta kanán: “Áyán naeshkotag?” Allam eshkotagesh, parchá ke:
“Áyáni tawár sajjahén donyáyá shotag o
áyáni habar jahánay goddhi marz o simsarán sar butagant.”‡ 10:18 Zabur 19:4.
19 Padá josta kanán: “Esráil sarpad nabutag?” Awalá, Mussá cha Hodáay kawlá gwashit:
“Man shomárá hamá mardománi hasaddiga kanán ke kawmé naant;
shomárá gón násarpadén kawmé hezhmnáka kanán.”§ 10:19 Sharyatay Domi Rahband 32:21.
20 Gorhá, Eshayá nabi pa deléri o tamardi cha Hodáay kawlá gwashit:
“Maná hamáyán dar gétk ke mani shóházá naatant,
man watá pa hamáyán paddar kort ke mani jost o porsá naatant.”* 10:20 Eshayá Nabiay Ketáb 65:1.
21 Bale Esráilay bárawá gwashit:
“Sajjahén róchá man wati dast,
dém pa náparmán o barhelápén kawméá dráj kortag.”† 10:21 Eshayá Nabiay Ketáb 65:2.
*10:2 10:2 Hodónák, bezán wáhagdar, armáni, lóthók, delmánag.
†10:5 10:5 Láwián 18:5.
‡10:6 10:6 Sharyatay Domi Rahband 30:12.
§10:7 10:7 Sharyatay Domi Rahband 30:13.
*10:8 10:8 Sharyatay Domi Rahband 30:14.
†10:11 10:11 Eshayá Nabiay Ketáb 28:16.
‡10:12 10:12 Saki, bezán bakshendah, Ordu o Pársiá “sakhi”.
§10:13 10:13 Yuil Nabiay Ketáb 2:32.
*10:15 10:15 Eshayá Nabiay Ketáb 52:7.
†10:16 10:16 Eshayá Nabiay Ketáb 53:1.
‡10:18 10:18 Zabur 19:4.
§10:19 10:19 Sharyatay Domi Rahband 32:21.
*10:20 10:20 Eshayá Nabiay Ketáb 65:1.
†10:21 10:21 Eshayá Nabiay Ketáb 65:2.