15
Kay tai pákén kóhá jahmenend bebit
Dáuday Zabur.
1 Oo Hodáwand! Kay tai tambuá* 15:1 Tambu, bezán gedán, haymah. É gál pa Sháhediay tambuá esháraté. Sháhediay tambu Bani Esráilián Mussáay zamánagá gón Hodáay hokmá jórhéntagat o hamódá Hodáesh parastesh kortag. mehmán bebit?
Kay tai pákén kóhá jahmenend bebit?
2 Hamá ke béayb gám bejant,
adl o ensápá barjáh dárit o
pa delsetki rásténá begwashit,
3 hamá ke gón wati zobáná kaséay báposhtá habaré magwashit,
pa hamsáhegá badi makant o
hamráhán ér majant,
4 hamá ke badkár áiay chammán hakir o béarzesh bebant,
Hodátorsán ezzat o hormat bedant o
wati labzay sará wapá bekant, toré zalar o zyán begendit,
5 hamá ke wati zarrá pa sutt madant o
bégonáhéay helápá reshwat magipt,
á ke eshán barjáha dárit hechbara nalarzit.
*15:1 15:1 Tambu, bezán gedán, haymah. É gál pa Sháhediay tambuá esháraté. Sháhediay tambu Bani Esráilián Mussáay zamánagá gón Hodáay hokmá jórhéntagat o hamódá Hodáesh parastesh kortag.