12
Ulwimbo lwoꞌkuhuuza Rurema
1 Ku kyanya íkigayija, mugayimba, ti: «E Nahano, ngweti ngakuyivuga.
Ee! Kundu wâli koli ndakariiri,
haliko, ubute bwawe keera bwamala, unakola mu mboleeza.
2 «Lolagi ngiisi kwo Rurema akayiji ngiza!
Ye mu mbimira,* 12.2 Kulyoka 15.2; Zaburi 118.14. ye nali mu mbiika mwoꞌbushobozi.
Kwokwo, ndagaki yoboha,
si ngakizi múbiika kwoꞌmulangaaliro, iri ninamúyimbira.»
3 Ikyanya mugakizibwa, lyo mugashambaala bweneene,
nga ku kyanya muli mu vwoma amagoloovi mu shyoko.
4 Ku yikyo kyanya, mugaadeta:
«Mutange kongwa imwa Nahano! Mukizi múyivuga.
Mubwire abandu beꞌmahanga gooshi ngiisi kwo akagira,
na ngiisi kwo ali mukulu bweneene.
5 Mukizi yimbira Nahano inyimbo zoꞌbwivuge!
Mukuba, keera akakola amagambo gaꞌkahebuuza.
Aaho! Ngiisi kwo akagira, mugendi kumenyeesa mu bandu booshi ba mu kihugo.
6 Mwe batuulaga beꞌSayuni! Mubandire Nahano akabuuli, awi yiyi yiyi!
Ee! Ali Mutaluule waꞌBahisiraheeri.
Anatuuziri mu kati kiinyu, ku njira ya kahebuuza!»