110
Mɛsii kíakɛ
Davidi lɛ.
1 Dii ò ma diiɛ aà zↄ̃lɛ a ↄplaai
e aà aà ibɛɛↄ kɛɛ̀ aà gbadibↄ ũ.* Mat 22.44, Zĩn 2.34-35, 1Kln 15.25, Ɛfɛ 1.20-22, Ɛbɛ 1.13, 8.1, 10.12-13
2 Dii a to n iko ligua,
ńyↄ̃ kible n ibɛɛↄwa Siↄna.
3 N gbɛ̃́ↄ ńzĩa kpama n ikokɛgↄↄ
ń lousisi'ulaↄ daa.
N ɛ̀waasoↄ mↄ n kĩ́i gudↄlɛia lán fíiwa.
4 Dii lɛgbɛ̃̀, a lɛ́ lilɛa vĩo à mɛ̀:
Ńyↄ̃ↄ dɛ sa'ona ũ gↄↄpii
lán Mɛkizɛdɛwaɛ.† Ɛbɛ 5.6, 6.20, 7.17, 21
5 Dii ku n ↄplaai,
a kíaↄ míↄnzↄ̃ a pↄfɛ̃gↄↄ.
6 A tↄsi buiↄwa, an gɛↄ gupa,
a dṹnia bṹu kíaↄ míↄnzↄ̃,
7 i swa'i mi zɛ́ lɛ́.
Bee yã́ mɛ́ tò aà mi aↄ daa ía.